قازاقستاننىڭ وڭتۇستىگىنەن مۇناي تابىلدى

None
None
نۇر-سۇلتان. قازاقپارات - تۇركىستان وبلىسى ۇلكەن قاراتاۋداعى شوقپاق ۋچاسكەسىندە پالەوزوي جىنىستارىنان مۇناي بەلگىلەرى انىقتالدى.

بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگى مالىمدەدى.

ارناۋلى ەكسپەديتسيا بوكسيت، ونىمەن قوسا قورعاسىن، مىرىش جانە سيرەك كەزدەسەتىن باسقا دا زاتتاردى تابۋ ءۇشىن ۇلكەن قاراتاۋدىڭ لەونتيەۆ ويىسىنداعى گەوفيزيكالىق تۇزىلىمدەردى زەرتتەگەن.

ول ءۇشىن 300 مەترگە دەيىنگى ۇڭعىمالار قازىلعانى بەلگىلى بولدى.

ۆەدومستۆو دەرەگىنشە، بۇرعىلانعان 39 ۇڭعىمانىڭ ون بىرىنەن قوڭىر ءتۇستى سۇيىق مۇناي تابىلىپتى.

بۇدان تىس، بۇرعىلاۋ كەزىندە تابيعي بايلىقتىڭ قابىرشاقتارى ءبولىنىپ شىققان.

تۇركىستان وبلىسىنداعى «قارا التىن» بەلگىلەرى ەلىمىزدىڭ تاۋلارىنان تابىلعان العاشقى مۇناي بولىپ تابىلادى.

بۇل سىرداريا، شۋ-سارىسۋ ويپاتتارىنان مۇناي جانە گازدى ىزدەۋ ءۇشىن اسا ماڭىزدى قادام بولدى.

ايتا كەتەيىك، وسىعان دەيىن شۋ-سارىسۋ ويپاتىندا بىرنەشە ۇساق گاز كەنى تابىلعان بولاتىن.

ولاردىڭ ەڭ ىرىلەرى - امانگەلدى جانە پريدوروجنوە كەندەرى.

ەندى سىرداريا، شۋ-سارىسۋ ويپاتتارىنان «قارا التىن» ىزدەۋدىڭ وزەكتىلىگى ارتا ءتۇستى. ۋچاسكەلەردى بارلاۋ جانە بۇرعىلاۋ جالعاسادى.

سوڭعى جاڭالىقتار