10:57, 19 - قاراشا 2019 | GMT +6
ا ق ش- تىڭ ەۆرەي قونىستارى جايلى ۇستانىمى وزگەردى
نۇر-سۇلتان. قازاقپارات – ا ق ش- تىڭ مەملەكەتتىك حاتشىسى مايك پومپەو 18- قاراشادا يزرايل باسىپ العان يوردان وزەنىنىڭ باتىس جاعالاۋىنداعى ەۆرەي قونىستارى جايلى ا ق ش ۇستانىمى وزگەرگەنىن حابارلادى.
ۆاشينگتون مۇنان ءارى ەۆرەي قونىستارى حالىقارالىق قۇقىقتى بۇزىپ تۇر دەپ سانامايدى. پومپەو باتىس جاعالاۋ مارتەبەسى يزرايل مەن پالەستينالىقتار اراسىنداعى كەلىسسوزدە انىقتالۋى كەرەك دەپ ەسەپتەيدى.
ۆاشينگتوننىڭ بۇل شەشىمى بۇرىنعى پرەزيدەنت باراك وباما اكىمشىلىگىنىڭ ۇستانىمىنان تۇبەگەيلى وزگەشە دەيدى BBC.
پالەستينا اۆتونومياسىنىڭ جەتەكشىسى ماحمۇد ابباستىڭ وكىلى ا ق ش- تىڭ بۇل شەشىمىن «حالىقارالىق قۇقىققا قايشى كەلەتىن شەشىم» دەپ اتادى.
ا ق ش- تىڭ شەشىمىن يزرايل ماقۇلدادى. يزرايل پرەمەر-ءمينيسترىنىڭ كەڭسەسى «تاريحي قاتەنىڭ ەندى تۇزەتىلگەنىن» مالىمدەسە، قىركۇيەكتەگى سايلاۋدا جەڭگەن «كاحول-لاۆان» پارتياسىنىڭ جەتەكشىسى بەنني گانتس تە پومپەو مالىمدەمەسىن قۇپتادى.
«ازاتتىق»