+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قىزىلوردادا زاڭسىز كوشى-قوندى ۇيىمداستىرعان شەتەلدىكتەر سوتتالدى

19 قاراشا 10:30
:ءبولىسۋ
قىزىلوردادا زاڭسىز كوشى-قوندى ۇيىمداستىرعان شەتەلدىكتەر سوتتالدى

قىزىلوردا. قازاقپارات - قىزىلوردا وبلىسىندا زاڭسىز كوشى- قوندى ۇيىمداستىرعان شەتەلدىك ازامات باس بوستاندىعىنان ايىرىلدى، دەپ حابارلايدى قازاقپارات ءتىلشىسى.

بيىل سىر وڭىرىندە 24 مىڭ شەتەل ازاماتى ۋاقىتشا تىركەلگەن. ولاردىڭ 94 پايىزى وزبەكستان ازاماتتارى. دەگەنمەن ولاردىڭ 10 مىڭنان استامى جۇمىس ىستەۋگە رۇقسات الماعان، ەڭبەكشى ميگرانت رەتىندە تىركەلمەگەن.

بىلتىر جۇرگىزىلگەن تەكسەرۋ ناتيجەسىندە شەتەل ەڭبەك ميگرانتتارىنىڭ پوليتسيا ورگاندارىنا ۇسىنعان 1400 مەديتسينالىق انىقتامانىڭ مەديتسينا ۇيىمدارى تاراپىنان بەرىلمەگەنى انىقتالدى. ولاردىڭ اراسىندا جاڭاقورعاندا 500، قازالىدا 334، قارماقشىدا 187، جالاعاشتا 84، سىرداريادا 71، ارالدا 37، شيەلىدە 36، قىزىلوردا 137 وسىنداي جاعداي ورىن العان.

«سونداي-اق، ۇلتتىق قاۋىپسىزدىك كوميتەتىنىڭ قىزىلوردا وبلىسى جانە بايقوڭىر قالاسى بويىنشا دەپارتامەنتىمەن جۇرگىزىلگەن جەدەل- ىزدەستىرۋ شارالارى بارىسىندا زاڭسىز كوشى قوندى ۇيىمداستىرعان 2 شەتەلدىك ازامات ۇستالعان. سوت ۇكىمىمەن ولار باس بوستاندىعىنان ايىرىلدى. سونىمەن قاتار جالعان ديپلوممەن جۇمىس ىستەگەن شەتەلدىك بەلگىلى بولدى. پروكۋرورلىق قاداعالاۋ اكتىسىمەن ولاردىڭ رۇقساتى كەرى قايتارىلىپ، رەسپۋبليكا اۋماعىنان شىعارىلدى. وسىعان وراي، كوشى- قون جانە شەتەلدىك جۇمىس كۇشىن تارتۋ زاڭنامالارىنىڭ ساقتالۋ جاعدايى زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى وبلىستىق ۇيلەستىرۋ كەڭەسىنىڭ وتىرىسىندا قارالىپ، وسى باعىتتاعى ورتاق مىندەتتەر مەن ءىس- شارالار ايقىندالدى»، - دەپ ءمالىم ەتتى قىزىلوردا وبلىسى پروكۋراتۋراسىنىڭ باسپا ءسوز حاتشىسى عابيت ۇزاقباي.

اۆتور: ءادىلجان ۇمبەت


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات