قازاقستاندىق ۇلتتىق قۇراما بوكسشىلارى نيدەرلاندتا باق سىنادى
بيىل نيدەرلاندتىڭ بوكس فەدەراتسياسى قازاقستان قۇراماسىن وسىمەن ءۇشىنشى رەت ۇيىمداستىرىلىپ جاتقان World Port Boxing ءداستۇرلى تۋرنيرىنە شاقىرعان بولاتىن. وسىعان دەيىن بۇل تۋرنيرگە 2017-جىلى ا ق ش پەن 2018-جىلى كۋبا قۇراماسى شاقىرىلدى.
باپكەر عالىمبەك كەنجەبايەۆ بۇل جولعى كەزدەسۋگە 8 تالىمگەرىن الىپ كەلدى. وسى بوكس كەشى ءۇشىن گوللاندتىقتار 1750 ادام سياتىن ارنايى عيمارات ورناتتى. بۇل كەشتىڭ بيلەتتەرى تولىعىمەن ساتىلىپ كەتتى.
«كەزدەسۋ وڭايعا سوققان جوق، الايدا مەن وعان تىڭعىلىقتى دايىندالعان ەدىم. مەن قارسىلاسىمنىڭ تەگەۋرىندى ءارى سوققىعا ءتوزىمدى ەكەنىن بىلەتىنمىن. سونداي-اق ءبىز جارىستاعى العاشقى جۇپ بولاتىنبىز، بۇل بىزگە قوسىمشا جاۋاپكەرشىلىك ءتۇسىردى»، - دەدى گولانديالىق ميروي مەسسينگتى جەڭگەن ايدا ابىكەيەۆا.
كەلەسى ءۇش راۋندتىق كەزدەسۋدە الەم چەمپيوناتىنىڭ قولا جۇلدەگەرى ابىلايحان ءجۇسىپوۆ پەن دەلان دجەيمس شىقتى. تورەشىلەر جەڭىستى قاراعاندىلىق سپورتشىعا بەردى. ءوز كەزەگىندە جاس وسپىرىمدەر اراسىنداعى وليمپيادا جەڭىمپازى تالعات شايكەن ساممي ۆاگەنسۆەلدتەن باسىم ءتۇستى.
ايتا كەتەيىك، World Port Boxing تۋرنيرىندە قازاقستاندىق 6 بوكسشىنىڭ مەرەيى ۇستەم بولدى. ەكى ەلدىڭ ەرلەر جانە ايەلدەر قۇرامالارىنىڭ سپورتشىلارى قازىر نيدەرلاندتا بىرلەسكەن وقۋ-جاتتىعۋ جيىنىندا ءجۇر.