+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

نۇر- سۇلتانداعى جوعارى وقۋ ورندارىندا قانشا ستۋدەنت ءبىلىم الىپ جاتىر

18 قاراشا 20:23
:ءبولىسۋ
نۇر- سۇلتانداعى جوعارى وقۋ ورندارىندا قانشا ستۋدەنت ءبىلىم الىپ جاتىر

نۇر- سۇلتان. قازاقپارات - ەلوردادا ج و و- لاردىڭ 1- كۋرس ستۋدەنتتەرىن سالتاناتتى قابىلداۋ ءراسىمى ءوتتى، دەپ حابارلايدى قازاقپارات ءتىلشىسى.

«JANA BELES 2019» جوباسىن نۇر- سۇلتان قالاسى قوعامدىق دامۋ ىستەرى باسقارماسى مەن نۇر- سۇلتان قالاسى اكىمدىگىنىڭ «استانا جاستارى» ك م م ۇيىمداستىرعان. ءداستۇرلى جيىنعا ءوز وقۋ ورنىندا بەلسەندىلىگىمەن كوزگە تۇسكەن 3 مىڭعا جۋىق ستۋدەنت قاتىسقان.

«قازىر نۇر- سۇلتان قالاسىندا 16 جوعارى وقۋ ورنى بار. وندا 82 مىڭنان استام ستۋدەنت ءبىلىم الۋدا. 245 مىڭ جاستار بەلسەندى ەڭبەك ەتۋدە. ستۋدەنتتىك ءومىر - ەڭ قىزىق ءومىر. بىلىمگە، عىلىمعا، قوعامدىق ومىرگە اتسالىسساڭىزدار، ناعىز باسەكەگە قابىلەتتى جاستار بولاتىندارىڭىزعا سەنەمىن. تۇڭعىش پرەزيدەنتىمىز ەلباسى ءاردايىم ەلوردا جاستارىنا، قازاقستان جاستارىنا ۇلكەن ءۇمىت ارتادى. سەبەبى، قازىر ءاربىر ازاماتقا مۇمكىندىك بار. شەتەلگە ءبىلىم العىلارىڭىز كەلسە، «بولاشاق» باعدارلاماسى بار. 12 مىڭنان استام قازاقستاندىق «بولاشاق» باعدارلاماسىمەن ءبىلىم الىپ، قازاقستاندا ەڭبەك ەتىپ ءجۇر»، - دەدى قالا اكىمىنىڭ ورىنباسارى باقتيار ماكەن «قازاقستان» ورتالىق كونسەرت زالىندا وتكەن سالتاناتتى جيىندا.

بەلسەندى ستۋدەنتتەرگە قالا اكىمىنىڭ ورىنباسارى سيمۆولدىق ستۋدەنتتىك بيلەت پەن ەستەلىك سىيلىقتار تابىستادى.

«سالتاناتتى قابىلداۋ شاراسىنا نۇر- سۇلتان قالاسىنىڭ 16 جوعارعى وقۋ ورنىنىڭ ستۋدەنتتەرى قاتىسۋدا. ارنايى كريتەرييلەر بويىنشا ۇزدىك ستۋدەنتتەردى ىرىكتەپ الدىق. بۇگىندە ەلوردالىق جوعارى وقۋ ورىندارىنداعى ءبىرىنشى كۋرس ستۋدەنتتەرىنىڭ سانى - 15 مىڭعا جۋىق. ولاردىڭ باسىم كوبىسى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى مەن س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە وقيدى»، - دەدى «استانا جاستارى» ورتالىعىنىڭ باسشىسى شىڭعىس تىلەۋلين.

ايتا كەتەيىك، قالا اكىمدىگى اتىنان ستۋدەنتتەرگە ارنايى جەڭىلدىكتەر قاراستىرىلعان. قوعامدىق دامۋ ىستەرى باسقارماسىنىڭ باس مامانى اقۇلان تاستەمىردىڭ ايتۋىنشا، ەلوردا اكىمدىگى جەتىم نەمەسە اتا- انا قامقورلىعىنسىز قالعان، سونداي- اق ەرەكشە قاجەتتىلىكتى تالاپ ەتەتىن ستۋدەنتتەردىڭ كارتاسىنا اي سايىن جول ءجۇرۋ بيلەتىنىڭ قۇنىن اۋدارىپ وتىرادى.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات