ورىك سۇيەگى مايىنىڭ سۇلۋلىققا پايداسى
ول دارۋمەندەر مەن باسقا دا پايدالى زاتتارعا باي. ورىك مايى بارلىق ءتيپتى تەرى تۇرلەرىنە كۇتىم جاساۋ ءۇشىن كوسمەتولوگيادا كەڭىنەن قولدانىلادى.
ورىك مايىنىڭ قۇرامىنداعى پايدالى زاتتار:
- تەرىنىڭ جاسۋشالارىن تولىق قىزمەتپەن قامتاماسىز ەتەتىن كوپ قانىقپاعان مايلى قىشقىلدار؛
- تەرىنى ىلعالداندىراتىن جانە جۇمسارتاتىن ا دارۋمەنى؛
- تەرىنىڭ جاس ءارى تىعىز قالپىن ساقتايتىن س دارۋمەنى؛
- تەرىگە قاجەتتى ماڭىزدى ۆ دارۋمەنى؛
- تەرىنىڭ قايتا قالپىنا كەلۋىن تەزدەتەتىن، قارتايۋىن باياۋلاتاتىن جانە تەرىدەگى ۇساق تەسىكتەردىڭ كەڭەيۋىن الدىن الاتىن F دارۋمەنى (كوپ مولشەردە) .
ءۇي جاعدايىندا ورىك مايىن بەت تەرىسىنە قولدانۋ
بەت تەرىسىنە ارنالعان ورىك مايى قۇرعاق، ارالاس جانە سەزىمتال تەرىلەرگە ۇسىنىلادى. سونىمەن قاتار، ورىك مايىن ءسابيدىڭ تەرىسىنە دە قولدانادى.
ورىك مايى سۇيىق ءارى ءيىسسىز، بەت تەرىسىندە مايلى جىلتىر قالدىرمايدى. ورىك مايىنىڭ ءوزىن دە، باسقا مايلارمەن قوسۋ ارقىلى دا قولدانۋعا بولادى. مىسالى، ۇيىقتار الدىندا بەت تەرىسىنە كرەمنىڭ ورنىنا ورىك مايىن جاعىپ، ۋقالاۋعا بولادى.
ورىك مايىن، سونىمەن قاتار، زاقىمدالعان تەرىگە جاعۋعا بولادى. مايدى بەتكە ارنالعان ىلعالداندىرۋشى جانە قۇنارلاندىرۋشى كرەمدەرگە ارالاستىرىپ قولدانۋعا بولادى. كوز اينالاسىنا ارنالعان قۇرالدارعا دا ورىك مايىن ارالاستىرسا، ناتيجەسى تيىمدىرەك بولادى.
ازداپ قىزدىرىلعان ورىك مايىن بەت تازارتاتىن تونيك رەتىندە پايدالانۋعا بولادى.
پروبلەمالىق بەت تەرىسىنە ماسكا دايىنداۋ ءۇشىن 1 اس قاسىق ورىك مايى، 2 تامشى ءزايتۇن مايى جانە ليمون سۋى كەرەك. بارلىق ينگرەديەنتتى ارالاستىرىپ، جىلى سۋعا باتىرىلعان ماقتامەن تەرىنى ءسۇرۋ قاجەت.
تەرىنى قارقىندى قۇنارلاندىرۋ ءۇشىن ورىك مايىنا باسقا دا مايلاردىڭ 5-6 تامشىسىن تامىزىپ، قايناپ جاتقان سۋدىڭ بۋىنا ۇستاپ، قايناۋعا دەيىن اپارىڭىز. سودان سوڭ سول جىلى قوسپاعا داكەنى مالىپ بەتىڭىزگە قويىڭىز. مۇرىن، ەرىن جانە كوزدى اشىق قالدىرىڭىز. جىلى داكەنىڭ ۇستىنەن پاكەتپەن جابىڭىز. جىلىلىقتى ساقتاۋ ءۇشىن قالىڭ ورامالمەن جاۋىپ قويساڭىز بولادى. 20 مينۋت وتكەن سوڭ جۋىپ تاستاڭىز