قوعامدىق كولىكتەردەگى ءتىل تازالىعى تەكسەرىلدى

None
None
نۇر- سۇلتان.قازاقپارات - ەلوردادا ءوتىپ جاتقان «ءتىل تازالىعى - بارشاعا ورتاق ءىس» جوباسى جالعاسىن تابۋدا. بۇگىن قوعامدىق كولىكتەردەگى جارناما، كورنەكى اقپاراتتاردىڭ ءتىل زاڭناماسىنا سايكەستىگىن قاراۋ ماقساتىندا تەكسەرۋ جۇرگىزىلدى. شارا بارىسىندا ءبىرقاتار زاڭ بۇزۋشىلىقتا بايقالدى.

بۇل تۋرالى شاراعا قاتىسقان قالالىق تىلدەردى دامىتۋ جانە ارحيۆ ءىسى باسقارماسىنىڭ باس مامانى ايگۇل يمانعالي:«قوعامدىق كولىكتەردىڭ ءىشى- سىرتىنداعى تۇسىندىرمە ماتىندەر، تولەم جاساۋ اپپاراتىنداعى انىقتاما   سوزدەر، جارناما ەكرانىنداعى جۇگىرتپە جولدار جانە وزگە دە كورنەكى اقپاراتتاردان مەملەكەتتىك ءتىل تالابىنا قايشى زاڭ بۇزۋشىلىقتار انىقتالدى» دەپ اتاپ كورسەتتى. تەكسەرۋ ناتيجەسىنە وراي جينالىس وتكىزىلدى. وعان اۆتوبۋس پاركتەرىنىڭ وكىلدەرى، «استانا LRT » ج ش س كولىكتىك باقىلاۋ دەپارتامەنتىنىڭ ديرەكتورى، كولىك ماماندارى بىلىكتىلىك ورتالىعىنىڭ ديرەكتورى، «استانا LRT » جارناما بەرۋشىلەرمەن جۇمىس جونىندەگى قىزمەتتىڭ جەتەكشىسى، «استانا LRT» جول قوزعالىسىن باسقارۋ دەپارتامەنتىنىڭ وكىلدەرى، «استانا LRT» ج ش س تولەم جۇيەلەرى دەپارتامەنتىنىڭ وكىلدەرى جانە «استانا LRT» ج ش س قوعاممەن بايلانىس قىزمەتىنىڭ وكىلدەرى قاتىستى.

جينالىستا   بايانداما جاساعان ا. يمانعالي   جوبانىڭ ءمان- ماڭىزى تۋرالى تۇسىندىرە كەلىپ: «ءتىل تازالىعى   - بارشاعا ورتاق ءىس» جوباسى باس قالامىزداعى تىلدىك تازالىق پەن   رەتتىلىكتى ساقتاۋدى ماقسات ەتەدى. قازىرگە دەيىن پاتەر يەلەرى كووپەراتيۆىمەن، جەكە مەنشىك بالا باقشالارمەن، ءتۇرلى كاسىپكەرلىك نىساندارىمەن جۇمىس جۇرگىزىلدى. انا ءتىلدىڭ مارتەبەسىن كوتەرەتىن وسى باستاماعا سىزدەر دە ءۇن قوسىپ، زاڭ تالاپتارىنىڭ مۇلتىكسىز ورىندالۋىن باستى نازاردا ۇستاۋلارىڭىز قاجەت« دەدى.

جيىنعا قاتىسۋشىلار   جالپىءتىل تازالىعىنىڭ ساقتالۋىن قاداعالايتىندارىن ءبىلدىردى . «استانا LRT» ج ش س قوعاممەن بايلانىس قىزمەتىنىڭ باس مەنەدجەرى ءاليا جارقىمبەكوۆا الداعى ۋاقىتتا زاڭ تالابىنا سايكەس كەلمەيتىن بارلىق جازبالاردى تۇزەتەتىندەرىن جەتكىزدى.

ايتا كەتەيىك، «ءتىل تازالىعى   - بارشاعا ورتاق ءىس» جوباسىنا   قالا باسشىلىعى ۇلكەن قولداۋ كورسەتىپ وتىر. ناقتى جۇمىستار قالا اكىمىنىڭ ورىنباسارى م. بەكتۇروۆانىڭ تاپسىرماسىنا ساي جۇرگىزىلۋدە. 

سوڭعى جاڭالىقتار