باقىت سۇلتانوۆ ازىق- تۇلىك باعاسىنىڭ قىمباتتاۋ سەبەبىن اتادى

نۇر- سۇلتان. قازاقپارات - بۇگىن ۇكىمەت وتىرىسىندا ساۋدا جانە ينتەگراتسيا ءمينيسترى باقىت سۇلتانوۆ ازىق- تۇلىك باعاسىنىڭ قىمباتتاۋ سەبەبىن اتادى، دەپ حابارلايدى قازاقپارات ءتىلشىسى.

«باعانىڭ ءوسۋ سەبەپتەرىن انىقتاۋ ءۇشىن تالداۋ جۇرگىزىلدى. بىرىنشىدەن، ازىق- تۇلىك نارىعىندا ءارتۇرلى ساۋدا ۇستەمە باعالارى بار كوپتەگەن ديستريبيۋتورلاردىڭ جانە باسقا دا ءتيىمسىز دەلدالداردىڭ سانىنىڭ كوپ بولۋى، جەتكىزۋ شارتتارىنىڭ ورىندالماۋى، ساقتاۋ ارنالارىنىڭ جوقتىعى سەبەپ. ناتيجەسىندە بۇل كەيبىر تاۋارلارعا باعانىڭ وسۋىنە الىپ سوقتىرادى»، - دەدى ول.

ءمينيستردىڭ ايتۋىنشا، ەكىنشى سەبەپ، ەكسپورت كولەمىنىڭ ارتۋى بولىپ وتىر. سونىڭ سالدارىنان يمپورتتالعان تاۋارلارعا باعانىڭ ءوسىمى بايقالادى.

«ماسەلەن، اعىمداعى جىلى ەلىمىزدەگى قاراقۇمىق القاپتارى 30 پايىز قىسقاردى. سونىمەن قاتار، رەسەي فەدەراتسياسىندا 5 جىل ىشىندە ءونىمنىڭ از بولۋىنا بايلانىستى باعانىڭ ءوسۋى بايقالادى. كۇرىش باعاسىنىڭ قىمباتتاۋى وزبەكستان مەن تۇرىكمەنستان تاراپىنان قازاقستاندىق كۇرىشكە سۇرانىستىڭ ارتۋىنا بايلانىستى بايقالادى. وسىلايشا اتالعان ەلدەرگە ەكسپورت 22 ەسەگە ءوستى. رەسەيدە كۇرىشتىڭ باعاسى 14 پايىزعا، ياعني ءبىزدىڭ ۆاليۋتامەن ەسەپتەگەندە كەلىسى 368,5 تەڭگەدەن 420,2 تەڭگە دەيىن ءوستى. دەگەنمەن، ءوڭىرارالىق تاۋارلاردى جەتكىزۋ بويىنشا تالداۋ جۇرگىزۋ كەزىندە، اكىمدىكتەردىڭ ءوز وڭىرلەرىندە قانداي تاۋارلار وندىرىلەتىنىن جانە قايدان اكەلەتىنىن ءجيى بىلمەيتىندىگىن بايقادىق»، - دەدى ب. سۇلتانوۆ.

اۆتور مارلان جيەمباي