تاماقتى از جەۋگە كومەكتەسەتىن ادىستەر

نۇر-سۇلتان.قازاقپارات - ارتىق تاماقتانۋ -  دۇرىس تاماقتانۋدى قاداعالاماۋ مەن كەي جامان ادەتتەردىڭ سالدارى. تاماق تانۋ پروتسەسىنە سانالى تۇردە قاراپ، ودان ءلاززات الۋدى ۇيرەنسەڭىز، از بولسا دا، قۇنارلى تاماقتانۋدى ادەتكە اينالدىراسىز.

تاماقتى از جەۋگە كومەكتەسەتىن ادەتتەردى ۇسىنامىز.

 دۇرىس تاماقتانۋ ءۇردىسىن قالىپتاستىرۋ

 تۋرالى ويلانىڭىز از تاماق ءىشىپ ۇيرەنۋ ءۇشىن تاماقتانۋ پروتسەسىنە سانالى تۇردە قاراۋ كەرەك. تاماق پىسىرۋگە ارنالعان ازىق- تۇلىكتى مۇقيات تاڭداپ، تاماق ءىشىپ وتقاندا تارەلكەدەگى ينگرەديەنتتەردى بولەك- بولەك قاراستىرىپ، ولاردىڭ ءبىر- بىرىمەن قانشالىقتى ۇيلەسەتىندىگىن جانە «زياندى» ءونىمدى نەمەن اۋىستىرۋعا بولاتىنىن ويلانىڭىز. مۇنىڭ بارلىعى تاماقتانۋ مادەنيەتىن قالىپتاستىرۋعا كومەكتەسەدى. قانداي ازىقتار سىزگە شىنىمەن قاجەت ەكەنىن، ال قايسىسىنان باس تارتۋعا بولاتىنىن بىرتىندەپ تۇسىنە باستايسىز. ال بۇدان كەيىن تاماقتانۋ ۇلەسىن ازايتۋ سىزگە قيىندىق تۋدىرمايدى.

 تاماقتى اسىقپاي جەڭىز

تاماقتى بارىنشا اسىقپاي جەۋگە تىرىسۋ كەرەك. جالپى اعزا ميعا تويعانى تۋرالى بەلگىنى كەشىگىپ بەرەدى. سوندىقتان تاماقتى جىلدام جەسەڭىز، ميعا بەلگى كەلىپ ۇلگەرمەي ءسىز ءبىراز تاماق جەپ قوياسىز. سودان سوڭ اۋىرتپالىق سەزىنەسىز. ال اسىقپاي تاماقتانساڭىز، تويعانىڭىز تۋرالى بەلگى دە ۋاقىتىندا كەلەدى جانە دۇرىس شاينالعان تاماق اسقازانىڭىزعا دا زيانىن تيگىزبەيدى. تاماقتى اسىقپاي ءارى از جەۋ ءۇشىن ديەتولوگتار ونى تاياقشامەن نەمەسە بەلسەندى ەمەس قولمەن (وڭقايلار -  سول قولمەن، سولاقايلار -  وڭ قولمەن) جەۋدى ۇسىنادى.

 جالعىز تاماقتانباڭىز

 پسيحولوگيا سالاسىنىڭ زەرتتەۋشىلەرى ادام بىرەۋمەن تاماقتانسا، جالعىز تاماق جەگەنگە قاراعاندا ازىراق جەيتىنىن ايتادى. ونىڭ ۇستىنە قاسىڭىزدا ادام بولسا، ونىمەن اڭگىمەلەسىپ وتىراتىندىقتان تاماقتى اسىقپاي جەيسىز. ال جالعىز وتقان ادام، ادەتتە، تاماقتى جىلدام جەپ الادى نەمەسە ۇيالى تەلەفونعا الاڭداعاندىقتان كوبىرەك تاماق جەپ قويادى. كوبىرەك قوزعالىڭىز سپورتتىڭ ادام ومىرىندەگى ماڭىزى زور. ۇنەمى قوزعالىستا جۇرەتىن ادامدار ءبىر ورىندا وتىراتىن ادامدارعا قاراعاندا بىرنەشە ەسە از تاماق جەيتىنى دالەلدەنگەن. بۇل قوزعالىستا جۇرەتىن ادامنىڭ تاماق ىشۋگە ۋاقىتى جوق دەگەن ءسوز ەمەس. فيزيكالىق جۇكتەمەلەر قانداعى قانت دەڭگەيىن ارتتىرادى، سوندىقتان اشتىق سەزىمى ازايا تۇسەدى. اقۋىزدى تاماق جەڭىز اقۋىز ادامدى ارتىق تاماقتانۋدان قورعايدى، سەبەبى ول توقتىق سەزىمىن ۇزاققا دەيىن ساقتاي الادى. اسىرەسە، اقۋىزدى تاماقتى تاڭعى اسقا جەگەن ءجون.

جىلى كيىنىڭىز

اعزا ەنەرگيانىڭ كوپ مولشەرىن دەنەنى جىلىتۋعا جۇمسايدى، سوندىقتان قىستا ۇنەمى قارنىمىز اشا بەرەدى جانە سۋىق ايلاردا ارتىق كيلوگرامم قوسىپ الامىز. جىلى كيىم مەن بولمەدەگى جايلى تەمپەراتۋرا اعزانى ەنەرگەتيكالىق قوردى تولتىرۋ قاجەتتىلىگىنەن قۇتقارادى. ياعني، اعزا ەنەرگياسىن دەنەنى جىلىتۋعا جۇمساماسا، ءسىزدىڭ دە قارنىڭىز اشا بەرمەيدى.

ەكران الدىندا تاماقتانباڭىز

 اسۇيگە تەلەديدار قويماعان ءجون. سول سياقتى تاماق ىشەردە نوۋتبۋكتەن نەمەسە ۇيالى تەلەفوننان فيلم قوسىپ قويماۋ دا كەرەك. جوعارىدا ايتقانداي تاماقتانۋ پروتسەسىنە سانالى تۇردە قاراۋ كەرەك. ەگەر فيلمگە الاڭداپ وتساڭىز، مىندەتتى تۇردە ارتىق تاماقتانىپ قوياسىز جانە نە جەگەنىڭىزدى بىلمەي قالاسىز.

Massaget.kz