ولار ۇزاق ۋاقىت قيىن جاعدايدا ءومىر سۇرگەن – يراكتان قايتارىلاتىن قازاق بالالار جايلى

نۇر- سۇلتان. قازاقپارات – ق ر سىرتقى ىستەر مينيستىرلىگىنىڭ رەسمي وكىلى ايبەك سمادياروۆتىڭ ايتۋىنشا، يراكتان قازاق بالالارىن قايتارۋ وپەراتسياسى ءالى جۇرگىزىلمەگەنىن ءمالىم ەتتى، دەپ حابارلايدى قازاقپارات ءتىلشىسى.

«وپەراتسيا ءالى وتكىزىلگەن جوق. ءبىز يراك تاراپىمەن كەلىسسوز جۇرگىزىپ جاتىرمىز. سونىمەن بىرگە، الەۋمەتتىك جانە تۇرمىستىق سيپاتتاعى دايىندىق جۇمىستارى پىسىقتالۋدا. سەبەبى، كەلگەننەن كەيىن ول بالالاردىڭ بارلىعى «جۋسان» وپەراتسياسى كەزىندەگىدەي بىردەن كارانتينگە جاتقىزىلادى. ولاردى وڭالتۋ ءۇشىن ۋاقىت قاجەت. ولار ۇزاق ۋاقىت بويى قيىن جاعدايدا ءومىر سۇرگەن. سول سەبەپتى، جۋىق ارادا وپەراتسيا جۇرگىزىلەر دەپ وتىرمىز. ناقتى ۋاقىتتى ءبىز ءالى كەلىسكەن جوقپىز»، - دەدى ايبەك سمادياروۆ س ءى م- دە وتكەن باسپا ءسوز ءماسليحاتىندا.

ق ر س ءى م رەسمي وكىلى ول جاقتان 2-13 جاس ارالىعىنداعى 10-نان اسا بالا قايتارىلاتىنىن اتاپ ءوتتى.

«مەنىڭ ويىمشا، الداعى ەكى اپتانىڭ ىشىندە ءبارى اتقارىلۋى ءتيىس»، - دەدى ايبەك سمادياروۆ.

ەسكە سالا كەتسەك، ەلوردادا 9 - قازاندا وتكەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) اۋعانستان بويىنشا جيىنىندا ق ر سىرتقى ىستەر ءمينيسترى مۇحتار تىلەۋبەردى قازاقستاننىڭ يراكتان بىرنەشە بالانى قايتارۋ باعىتىندا جۇمىس جۇرگىزىپ جاتقانىن حابارلاعان بولاتىن.

«ولاردىڭ انالارى سول جاقتا ءومىر بويىنا باس بوستاندىعىنان ايىرىلعان»، - دەگەن ەدى مينيستر.