سالىق ەڭ كوپ تۇسەتىن وڭىرلەردىڭ ۇشتىگى قانداي

نۇر- سۇلتان. قازاقپارات - رەسپۋبليكالىق بيۋدجەتكە 290,8 ميلليارد تەڭگە سالىق ءتۇستى. بۇل تۋرالى ق ر قارجى مينيسترلىگى م ك ك سالىق سالۋ ءادىسناماسى دەپارتامەنتى ديرەكتورىنىڭ مىندەتىن اتقارۋشى داۋلەت جارىلعاسىنوۆ ايتتى، دەپ حابارلايدى قازاقپارات ءتىلشىسى.
«2019 -جىلدىڭ 1 - قاراشاسىنداعى جاعداي بويىنشا رەسپۋبليكادا بيۋدجەتكە جالپى 290,8 ميلليارد تەڭگە سالىق ءتۇستى. وسىلايشا، وتكەن جىلدىڭ 10 ايىمەن سالىستىرعاندا سالىقتىق كىرىس 20,2 ميلليارد تەڭگەگە ارتىپ وتىر»، - دەدى داۋلەت جارىلعاسىنوۆ و ك ق- دا وتكەن باسپا ءسوز ءماسليحاتىندا.
دەپارتامەنت وكىلىنىڭ ايتۋىنشا، وڭىرلەر تۇرعىسىنان العاندا ايتارلىقتاي ءتۇسىم اتىراۋ وبلىسى (41,5 ميلليارد تەڭگە)، الماتى (37,0 ميلليارد تەڭگە) جانە نۇر- سۇلتان (30,1 ميلليارد تەڭگە) قالالارىنان تۇسكەن.
«سالىقتان اتالعان وڭىرلەردەن قاراجاتتىڭ كوپ ءتۇسۋىنىڭ سەبەبى بەلگىلى: اتىراۋ - مۇنايلى ءوڭىر، الماتى مەن نۇر- سۇلتان قالالارى - حالقى كوپ ءىرى قالالار. سالىق سالىناتىن كولىك قۇرالدارىنىڭ سانى 3,9 ميلليونعا جەتتى. ونىڭ 3,6 ميلليونى جەكە تۇلعالارعا تيەسىلى. كولىك سالاسىنداعى سالىق تولەۋشىلەردىڭ سانى - 2784185 جەكە تۇلعا. مۇلىك پەن جەر سالىعىن تولەۋشىلەر سانى شامامەن 7,3 ميلليون ادام. ونىڭ ىشىندە مۇلىك سالىعى بويىنشا 3,8 ميلليون ادام، جەر سالىعى بويىنشا 3,4 ميلليون ادام سالىق تولەيدى»، - دەدى ول.
اۆتور ايان بەكەن ۇلى
- ق ر پرەزيدەنتى: قازاقستاندا جۇمىس ىستەيتىن نەمىس كومپانيالارى ءۇشىن قوسىمشا نارىققا شىعۋعا مۇمكىندىك اشىلادى
- قاسىم- جومارت توقايەۆ نەمىس بيزنەسمەندەرىنە ەكسكليۋزيۆتى شارتتار جاريالادى
- ءبارى قاجەتتىلىككە بايلانىستى - قازاق مەكتەبىن كوبەيتۋ تۋرالى وبلىس اكىمىنىڭ پىكىرى
- اسحات ايماعامبەتوۆ ءبىلىم سالاسىنداعى كوشىرمەشىلىكپەن كۇرەسەتىن جۇيە تۋرالى ايتتى
-
قازاقستاندا جىل باسىنان بەرى 82,5 ميلليون توننا مۇناي ءوندىرىلدى
-
مەملەكەتتىك قىزمەتشى قانداي بولۋى كەرەك


