سىرتقى ىستەر مينيسترلىگى شياڭگاڭداعى قازاقستاندىق ستۋدەنتتەرگە ەلگە ورالۋدى ۇسىندى

نۇر- سۇلتان. قازاقپارات – ق ر سىرتقى ىستەر مينيسترلىگىنىڭ بۇل ءوتىنىشىن ستۋدەنتتەرگە ۆەدومستۆونىڭ رەسمي وكىلى ايبەك سمادياروۆ جەتكىزىپ وتىر، دەپ حابارلايدى قازاقپارات ءتىلشىسى.

«گونكونگتەگى نارازىلىقتىڭ شىعۋىنا جانە ۋنيۆەرسيتەتتەر اۋماعىندا، سونداي- اق ولارعا ىرگەلەس اۋدانداردا احۋالدىڭ شيەلەنىسۋىنە بايلانىستى گونكونگتىڭ ءبىرقاتار جوعارى وقۋ ورىندارى (سونىڭ ىشىندە قازاقستاندىق ستۋدەنتتەرى وقىپ جاتقان ج و و- لار) ەكىنشى سەمەسترگە، ياعني 2020 -جىلدىڭ قاڭتارىنا دەيىن ساباقتاردى توقتاتۋ نەمەسە قاشىقتىقتان وقىتۋ بويىنشا ونلاين- بازاعا كوشۋ تۋرالى شەشىم قابىلدادى. وسىعان بايلانىستى ق ر سىرتقى ىستەر مينيسترلىگى گونكونگتە وقىپ جاتقان بارلىق ستۋدەنتتەرگە قازاقستانعا ورالۋدى ۇسىنادى. سونىمەن قاتار، ق ر ازاماتتارىن قاۋىپسىزدىك جاعدايى تۇراقتانعانشا، گونكونگكە اسا قاجەتتىلىكسىز بارماۋعا شاقىرادى» ، - دەدى ق ر س ءى م رەسمي وكىلى ايبەك سمادياروۆ ۆەدومتسۆودا وتكەن باسپا ءسوز ءماسليحاتىندا.

ق ر س ءى م رەسمي وكىلى گونكونگتە بولۋعا ءماجبۇر ازاماتتارعا بارلىق ساقتىق شارالارىن قابىلداۋدى سۇرادى.

«ب ا ق- تا جانە گونكونگتەگى قازاقستاننىڭ باس كونسۋلدىعىنىڭ رەسمي سايتىندا اقپاراتتى باقىلاپ وتىرۋعا بولادى. ءبىزدىڭ ازاماتتارىمىزدىڭ قاۋىپسىزدىگىن قامتاماسىز ەتۋ جانە ەلگە ۋاقتىلى قايتىپ كەلۋ ماقساتىندا «ەير- استانا» اۋە كومپانياسىمەن ايىپپۇل تولەۋ جانە باعا ايىرماشىلىعىن تولەمەستەن بۇرىن ساتىپ الىنعان بيلەتتەرگە ۇشۋ كۇنىن وزگەرتۋ مۇمكىندىگى تۋرالى كەلىسىمگە قول جەتكىزىلدى. ستۋدەنتتەردىڭ كوپشىلىگىنىڭ جەلتوقسان ايىنىڭ سوڭىنا دەمالىسقا سايكەس بيلەتتەرى بار» ، - دەدى ول.

ايبەك سمادرياروۆ سونىمەن قاتار، گونكونگتەگى قازاقستاننىڭ باس كونسۋلدىعى قازاقستاندىق ستۋدەنتتەر قاۋىمداستىعىمەن بىرلەسىپ، ستۋدەنتتەردى جيناۋ مەن اۋەجايعا دەيىن تاسىمالداۋ شارالارى جۇرگىزىلىپ جاتقانىن اتاپ ءوتتى.

«بۇگىنگى تاڭدا قازاقستانعا 118 ستۋدەنت قايتىپ كەلدى. الداعى كۇندەرى 40 قا جۋىق ستۋدەنتتى قايتارۋ جوسپارلانىپ وتىر» ، - دەدى ايبەك سمادياروۆ.