+7 (701) 759 90 19
-2 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قازاق ءتىلىن ۇيرەنەتىن قىتايلىق ستۋدەنتتەر كوبەيدى - ەلشى

18 قاراشا 16:50
:ءبولىسۋ
قازاق ءتىلىن ۇيرەنەتىن قىتايلىق ستۋدەنتتەر كوبەيدى - ەلشى

نۇر- سۇلتان. قازاقپارات - قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جاڭ شياۋ قىتايدا ءبىلىم العان قازاقستاندىق ستۋدەنتتەر مەن ەلىمىزدە قازاق ءتىلىن مەڭگەرىپ جاتقان قىتايلىق تالىمگەرلەردى قابىلدادى.

بيىلدان باستاپ قىتاي جاستارى قازاق ءتىلىن مەڭگەرە باستادى. ەلشى جاڭ شياۋ قىتايلىق جاستاردىڭ اراسىندا قازاق ءتىلىن ۇيرەنۋگە قىزىعۋشىلىعى ارتقان ستۋدەنتتەر كوپ ەكەنىن اتاپ ءوتتى.

بيىلعى كەزدەسۋدە قازاقستاننىڭ جوعارى وقۋ ورىندارىندا قازاق ءتىلى مەن مادەنيەتىن مەڭگەرىپ جاتقان قىتايلىق ستۋدەنتتەر بار. ولار قازاق ءتىلىن ۇيرەنىپ جاتقانىنا ۇزاق ۋاقىت بولماسا دا، جاقسى مەڭگەرگەنىن بۇگىن اڭگىمەلەسۋ بارىسىندا بىلە الاسىزدار. ايتا كەتەيىن، بۇل - ءبىزدىڭ العاشقى تاجىريبەمىز (قىتايلىق ستۋدەنتتەردىڭ قازاق ءتىلىن ۇيرەنۋى - اۆت. ) . بولاشاقتا قازاق ءتىلىن ۇيرەنەتىن قىتايلىق ستۋدەنتتەردىڭ قاتارى كوبەيەدى. بۇل فاكتىنىڭ - ماڭىزى زور. بىرىنشىدەن، ەكى ەل اراسىنداعى مادەني جانە ءبىلىم الماسۋدىڭ تەرەڭدەگەنىن، مەملەكەتارالىق قاتىناستارىمىزدىڭ جوعارى دەڭگەيگە كوتەرىلگەنىن بىلدىرەدى. ەكىنشىدەن، قىتايلىقتاردىڭ قازاقستانعا جانە قازاق مادەنيەتىن ۇيرەنۋگە، ەكىجاقتى ءداستۇرلى دوستىقتى عاسىردان عاسىرعا جەتكىزۋگە قۇلشىنىسى ارتقانىنىڭ دالەلى، - دەدى ديپلومات.

ەلشى جاڭ شياۋ بيىل قىركۇيەكتە ەلباسى نۇرسۇلتان نازاربايەۆ قىتايعا ساپار جاسادى. سول كەزدە تۇڭعىش پرەزيدەنتىمىزدى ق ح ر ءتوراعاسى شي جينپين «دوستىق» وردەنىمەن ماراپاتتاعانىن ايرىقشا اتاپ ءوتتى.

بۇل شارا ەكى ەل قاتىناسىنىڭ تاريحىندا ايرىق ءرول وينادى. سونداي- اق، قازاقستان پرەزيدەنتى قاسىم- جومارت توقايەۆتىڭ قىركۇيەكتە جاساعان ساپارىندا ەكى ەل باسشىلارى مەملەكەتتەرىمىز اراسىنداعى قاتىناستى ماڭگى كوپجاقتى ستراتەگيالىق ارىپتەستىك ستاتۋسىنا كوتەرۋگە كەلىستى. توقايەۆتىڭ العاشقى مەملەكەتتىك ساپارى ەلدەرىمىز اراسىنداعى قارىم- قاتىناستىڭ ماڭىزدى وقيعاسى دەۋگە بولادى. مىنە، بۇگىن وسى جىلدىڭ قورىتىندىسىندا ەكى تاريحي ساپاردى ايرىقشا ايتقىم كەلەدى، - دەدى ەلشى.

ستۋدەنتتەرگە ارنالعان جيىنعا ەلورداداعى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ شيان قالاسىندا قازاق ءتىلىن ۇيرەنىپ جاتقان قىتايلىقتاردى تاجىريبە الماسۋعا شاقىردى.

قازاقستان مەن قىتاي دوستىق قاتىناسىنىڭ تاريحى تەرەڭدە جاتىر. قازاقستان تاۋەلسىزدىك العاننان كەيىن بۇل قارىم- قاتىناس ەلباسى نۇرسۇلتان نازاربايەۆ پەن ق ح ر ءتوراعاسى شي جينپيننىڭ جاقىن دوستىق قاتىناسى ارقاسىندا قارقىندى دامىدى.. . ءبىزدىڭ ۋنيۆەرسيتەتىمىزدەگى كونفۋتسي ينستيتۋتىندا قازاقستاندىق ستۋدەنتتەر قىتاي ءتىلىن، مادەنيەتىن ۇيرەنىپ جاتقانىنا ۇزاق ۋاقىت بولدى. بۇل ينستيتۋتتىڭ وقىتۋشىلارى مەنىڭ «شاكارىم» ەڭبەگىمدى قىتاي تىلىنە اۋدارىپ بەردى. العىسىمدى بىلدىرگىم كەلەدى. سونىمەن قاتار، قىتايدىڭ سيان شەت تىلدەر مەملەكەتتىك ينستيتۋتىندا ۋنيۆەرسيتەتىمىزدىڭ وكىلدەرى بار. سول ينستيتۋتتا قىتايلىقتار قازاق ءتىلىن ۇيرەنىپ ءجۇر. ولاردى تاجىريبە الماسۋعا، قازاق ءتىلىن جاتتىقتىرۋعا ەلىمىزگە شاقىرامىن، - دەدى رەكتور.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات