+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

زەينەتاقى جيناعىن باسپانا ساتىپ الۋعا كىمدەر جۇمساي الادى

18 قاراشا 13:16
:ءبولىسۋ
زەينەتاقى جيناعىن باسپانا ساتىپ الۋعا كىمدەر جۇمساي الادى

نۇر-سۇلتان. قازاقپارات - قازاقستاندىقتاردىڭ زەينەتاقى جيناعىن باسپانا ساتىپ الۋعا بەرۋ ماسەلەسى ءالى تالقىلانىپ جاتىر.

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا «قازاقستاننىڭ تۇرعىن ءۇي قۇرىلىس جيناق بانكى» ا ق باسقارماسىنىڭ ءتوراعاسى ءلاززات يبراگيموۆا ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا قازاقستاننىڭ قارجىگەرلەر قاۋىمداستىعىنىڭ بازاسىندا ۇلتتىق بانكپەن بىرگە زەينەتاقى جيناقتارىن پايدالانۋ بويىنشا تىعىز جۇمىس ىستەپ جاتىرمىز. ستاتيستيكانى زەردەلەۋدەمىز. وكىنىشكە وراي، ول رەسپۋبليكالىق بيۋدجەتتەن تولەنەتىن الەۋمەتتىك زەينەتاقى كولەمى جىل سايىن بەلسەندى ءوسىپ كەلە جاتقانىن كورسەتتى»، - دەدى ول.

ونىڭ اتاپ وتۋىنشە، ازاماتتار زەينەتكە شىققاننان كەيىن زەينەتاقى جيناقتارىن پايدالانۋ ءۇشىن جالاقىنىڭ 70 پايىز كولەمىندە زەينەتاقى الۋعا مۇمكىندىك بەرەتىن جيناعى بولۋى ءتيىس.

«مۇنداي زەينەتاقى جيناعى بار سالىمشىلاردىڭ سانى از. سوندىقتان قازىرگى ۋاقىتتا تالقىلانىپ جاتقان تەتىك جيناعىنىڭ جەتكىلىكتى كولەمى بار ازداعان عانا سالىمشىعا قاتىستى بولماق»، - دەدى بانك ءتوراعاسى.

ل. يبراگيموۆانىڭ اتاپ وتۋىنشە، بۇل ماسەلەگە قاتىستى شەشىم جىلدىڭ سوڭىنا قاراي ازىرلەنەتىن بولادى.

«ەگەر قازىر بارلىق قازاقستاندىققا زەينەتاقى جيناعىن جۇمساۋعا رۇقسات بەرەتىن بولساق، وندا 15-20 -جىلدان كەيىن بيلىككە مەملەكەتتىك بيۋدجەتتەن زەينەتاقى تولەمدەرىنە تاعى دا اقشا سۇراۋىنا تۋرا كەلەدى»، - دەدى ول.

ەسكە سالا كەتسەك، مەملەكەت باسشىسى قاسىم-جومارت توقايەۆ 2 -قىركۇيەكتەگى ءوز جولداۋىندا ازاماتتار زەينەتاقى جيناعىن باسپانا مەن ءبىلىم الۋعا جۇمساي الۋى كەرەكتىگىن ايتقان. جانە ۇكىمەتكە ازاماتتاردىڭ زەينەتاقى جيناقتارىن ماقساتتى پايدالانۋ ماسەلەسىن پىسىقتاۋدى تاپسىردى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات