ازىق-تۇلىكتىڭ قىمباتتاۋى: اسقار مامين شەنەۋنىكتەردى جاۋاپقا تارتۋدى تاپسىردى
«مۇددەلى مەملەكەتتىك ورگاندار قاتارىنان جۇمىس توبىن قۇرىپ، ءبىر اپتا ىشىندە الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ بويىنشا قىسقا جانە ورتا مەرزىمگە ارنالعان ناقتى شارالار ازىرلەنسىن. رومان سكليار جۇمىس توبىن باسقارۋدى سىزگە تاپسىرامىن»، - دەدى اسقار مامين ورىنباسارىنا قاراتا.
سونىمەن قاتار ول پرەمەر-ءمينيستردىڭ كەڭسەسىنە 3 كۇننىڭ ىشىندە ازىق-تۇلىك تاۋارلارىنا باعا ءوسىمىنىڭ الدىن الۋعا جاۋاپ بەرەتىن اۋىل شارۋاشىلىعى، ۇلتتىق ەكونوميكا، ساۋدا جانە ينتەگراتسيا ۆيتسە-مينيسترلەرىن تارتىپتىك جاۋاپكەرشىلىككە تارتۋ تۋرالى ۇسىنىس ەنگىزۋدى تاپسىردى.
«شىمكەنت جانە الماتى قالالارىنىڭ، قىزىلوردا، تۇركىستان، اقمولا، سولتۇستىك قازاقستان، اقتوبە، جامبىل وبلىستارىنىڭ اكىمدەرىنىڭ ورىنباسارلارىن بەلگىلەنگەن تارتىپپەن جاۋاپكەرشىلىككە تارتىپ، ۇكىمەتتى حاباردار ەتسىن»، - دەدى پرەمەر-مينيستر.
اۆتور: مارلان جيەمباي