تانىمال تەرگەۋشىنىڭ نەلىكتەن تەرگەۋگە الىنعاندىعى بەلگىلى بولدى

نۇر-سۇلتان. قازاقپارات - سىبايلاس جەمقورلىققا قاتىستى اتىشۋلى ىستەردى تەرگەۋمەن اينالىسقان ولەسيا كەكسەل تەرگەۋگە الىندى.

بۇل ىسكە قاتىستى ىشكى ىستەر ءمينيسترى ەرلان تۇرعىمبايەۆ تۇسىنىكتەمە بەردى، دەپ حابارلايدى قازاقپارات ءتىلشىسى.

«قازىرگى تاڭدا ارىز تىركەلىپ، تەكسەرۋ جۇرگىزىلۋدە. تەرگەۋگە بايلانىستى ازىرگە ەشتەڭە ايتا المايمىن. ويتكەنى ارىز باس پروكۋراتۋرادان ءتۇستى، تەكسەرۋ تۋرالى تاپسىرما بەرىلدى»، - دەدى ەرلان تۇرعىمبايەۆ ۇكىمەت كۋلۋارىندا.

مينيستر ەرلان تۇرعىمبايەۆ كەكسەل شەتەلدە ەمەس، قازاقستاندا ەكەنىن اتاپ ءوتتى.

بۇرىنعى پرەمەر-مينيستر سەرىك احمەتوۆتىڭ، ەكس-دەنساۋلىق ساقتاۋ ءمينيسترى جاقسىلىق دوسقاليەۆتىڭ جانە بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ءىسىن تەرگەگەن ولەسيا كەكسەلدىڭ ءوزى تەرگەلىپ قالعان.

سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) تەرگەۋ دەپارتامەنتى باستىعىنىڭ ورىنباسارى قىزمەتىن اتقاردى.

كۇردەلى سىبايلاس جەمقورلىق ىستەرىن تەرگەگەنى ءۇشىن 2017 -جىلى II دارەجەلى «ايبىن» وردەنىمەن ماراپاتتالىپ، بەدەلدى «التىن ادام» جۇلدەسىنىڭ «جىلدىڭ مەملەكەتتىك قىزمەتشىسى» دەپ تانىلدى.

2018 -جىلدىڭ قاڭتار ايىنان باستاپ باس پروكۋراتۋرانىڭ ارنايى پروكۋرورلار قىزمەتىن باسقاردى. 2019 -جىلدىڭ مامىرىندا قىزمەتىنەن بوساتىلدى.