تۇرعىن ءۇي قۇرىلىسى: قانداي وڭىرلەر قاراجاتتى يگەرە المادى

None
None
نۇر-سۇلتان. قازاقپارات - ەلوردادا قۇرىلىس قارقىنىنىڭ تومەندەۋى سالدارىنان رەسپۋبليكا بويىنشا جىلدىق جوسپار ورىندالماۋى مۇمكىن.

بۇل تۋرالى بۇگىن ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

«رەسپۋبليكا بويىنشا جىلدىق جوسپار 13 ميلليون شارشى مەتردى قۇرايدى. دەگەنمەن، 10-ايدىڭ قورىتىندىسىندا نۇر-سۇلتان قالاسىندا تۇرعىن ءۇيدى پايدالانۋعا بەرۋ قارقىنى 35,8 پايىزعا تومەنۋىنە بايلانىستى جوسپارلانعان كولەمگە جەتە الماي قالۋىمىز مۇمكىن»، - دەدى بەيبىت اتامقۇلوۆ.

ونىڭ ايتۋىنشا، بيىل تۇرعىن ۇيلەردى ۋاقىتىلى پايدالانۋعا بەرۋ ءۇشىن قۇرىلىس الاڭدارىنا ينجەنەرلىك- كوممۋنيكاتسيالار وتكىزۋگە 77,3 ميلليارد تەڭگە ءبولىندى. 10 ايدىڭ قورىتىندىسى بويىنشا، قارجىلاندىرۋ جوسپارىنا سايكەس وڭىرلەرگە 59,3 ميلليارد تەڭگە اۋدارىلدى. ونىڭ 56,3 ميلليارد تەڭگەسى نەمەسە 96 پايىزى يگەرىلدى.

«تۇركىستان، باتىس قازاقستان، قاراعاندى وبلىستارىندا قاراجاتتىڭ يگەرىلۋ كورسەتكىشى تومەن. سوت پروتسەستەرى مەن جوبالاۋ- سمەتالىق قۇجاتتامانىڭ تۇزەتىلۋىنە بايلانىستى ءبىرقاتار ءوڭىر بولىنگەن قاراجاتتى جىلدىڭ سوڭىنا دەيىن قايتارۋدى جوسپارلاپ وتىر. ساتىپ الۋسىز جالعا بەرىلەتىن باسپانا بويىنشا جوبالاردى ىسكە اسىرۋ كەزىندە پاۆلودار، ماڭعىستاۋ، اتىراۋ وبلىستارىنىڭ اكىمدىكتەرى بولىنگەن قاراجاتتى تولىق يگەرمەدى»، - دەدى مينيستر.

اۆتور: مارلان جيەمباي

سوڭعى جاڭالىقتار