كايردە زاماناۋي قازاق ادەبيەتىنىڭ اراب تىلىندەگى انتولوگياسى تانىستىرىلدى
«قازاق ادەبيەتى جيناعىنىڭ اراب تىلىنە اۋدارماسى مەن باسىلىمىن كوركەم اۋدارما سالاسىنداعى تاجىريبەلى مىسىرلىق مامانداردىڭ قاتىسۋىمەن مىسىر مادەني ىستەرى جونىندەگى ورتالىعى مەن «مەدياحاب» باسپا ءۇيى ورىندادى. انتولوگيالار العى ءسوزىنىڭ اۆتورى - يۋنەسكو جانىنداعى اlecso (اراب ليگاسى مەملەكەتتەرىندەگى عىلىم، ءبىلىم جانە مادەنيەت ىستەرىن ۇيلەستىرۋ ۇيىمى) ۇيىمىنىڭ باس ديرەكتورى دوكتور مۇحاممەد ۋلد ومار»، - دەلىنگەن تاراتىلعان مالىمەتتە.
«مەدياحاب» باسپاسىنان جارىق كورگەن قازاق پروزاسى مەن پوەزياسىنىڭ جيناقتارى اراب ليگاسىنا مۇشە 22 مەملەكەتتىڭ 4 مىڭعا جۋىق كىتاپحاناسى، ۋنيۆەرسيتەتتەرى مەن عىلىمي ورتالىقتارىنا جەتكىزىلەدى. بۇل - شامامەن 500 ميلليون وقىرمان اۋديتورياسى.
تانىستىرىلىمعا مىسىر مادەنيەت ىستەرى جونىندەگى جوعارى كەڭەسىنىڭ باس حاتشىسى حيشام ازمي، АLECSO ۇيىمىنىڭ اراب زەرتتەۋلەر ينستيتۋتىنىڭ ديرەكتورى الي حافيان قاتىستى. قازاقستان تاراپىنان شاراعا ق ر پرەزيدەنتىنىڭ كومەكشىسى ايدا بالايەۆا، ق ر مىسىر اراب رەسپۋبليكاسىنداعى توتەنشە جانە وكىلەتتى ەلشىسى ارمان يساعاليەۆ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت جانە ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحان ۇلى قاتىستى.
ەسكە سالايىق، زاماناۋي قازاق ادەبيەتىنىڭ ۇزدىك ۇلگىلەرىن ب ۇ ۇ 6 تىلىنە اۋدارۋ جوباسى «جاھانداعى زاماناۋي قازاقستاندىق مادەنيەت» جوباسى اياسىندا جۇزەگە اسىرىلۋدا. سونداي-اق قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. نازاربايەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسىنىڭ ماڭىزدى باعىتى بولىپ تابىلادى.
«جاھانداعى زاماناۋي قازاقستاندىق مادەنيەت» جوباسىنىڭ مىندەتى - قازىرگى زامانعى قازاقستاننىڭ ادەبيەت، مۋزىكا، بەينەلەۋ ونەرى، حورەوگرافيا، كينو جانە تەاتر سالالارىنداعى مادەني قازىنالارىن الەم جۇرتشىلىعىنا تانىستىرۋ.
«اراب الەمى مەن ءبىزدىڭ حالقىمىزدى يسلام ءدىنى عانا ەمەس، سان مىڭ جىلدىق باسقا دا جان- جاقتى قاتىناستار بايلانىستىرادى. قازاق جەرىندە دۇنيەگە كەلگەن ءال-فارابي مەن سۇلتان بەيبارىستىڭ ەسىمدەرى سىزدەرگە ەجەلدەن تانىس. بۇگىن وسى تاريحي تامىرلاستىقتى جاڭا بەلەسكە كوتەرەتىن مۇمكىندىك تۋۋدا. سىزدەر قازاق ادەبيەتى ارقىلى ءبىزدىڭ حالقىمىزدى تەرەڭىرەك تاني الاسىزدار. قازاقستاننىڭ تۇڭعىش پرەزيدەنتى نۇرسۇلتان نازاربايەۆ مادەنيەتىمىزدى جەر جۇزىنە تانىستىرۋ تۋرالى جوبانى ۇسىنعاندا اراب الەمىنە دە باسا نازار اۋداردى. ەلباسىنىڭ تاپسىرماسىمەن، قازاق ادەبيەتىنىڭ تاڭداۋلى تۋىندىلارى بىرىككەن ۇلتتار ۇيىمىنىڭ 6 تىلىنە اۋدارىلىپ، جارىققا شىقتى»، - دەدى كىتاپتاردى تانىستىرۋ سالتاناتىندا ايدا بالايەۆا.
«جاھانداعى زاماناۋي قازاقستاندىق مادەنيەت» جوباسى اياسىندا قازىرگى قازاق ادەبيەتىنىڭ قوس انتولوگياسى اۋدارىلىپ، جارىق كوردى. ولار - «قازىرگى قازاق پروزاسىنىڭ انتولوگياسى» جانە «قازىرگى قازاق پوەزياسىنىڭ انتولوگياسى». ءار انتولوگيانىڭ كولەمى - شامامەن 500 بەتتەي، ءارقايسىسىنا قازاقستاندىق 30 اۆتوردىڭ تاڭدامالى شىعارمالارى ەندى.
كىتاپتاردىڭ اعىلشىن تىلىندەگى اۋدارماسى بيىلعى 25 -قىركۇيەك كۇنى بريتانيادا، يسپان تىلىندەگى نۇسقاسى 27 -قىركۇيەكتە يسپانيادا، ورىس تىلىندەگى انتولوگيا 15 -قازاندا رەسەيدە تانىستىرىلدى.