الماتىدا جۇرگىزۋشى كۋالىگى جوق ازامات پوليتسيادان قاشىپ قۇتىلماق بولدى
Instagram جەلىسىندە پوليتسيا قىزمەتكەرلەرىنىڭ اتالمىش كولىكتى قالاي قۋىپ، جەتىپ ۇستاعان ۆيدەوسى جاريالاندى. وندا وتە ۇلكەن جىلدامدىقپەن كەتىپ بارا جاتقان كولىكتىڭ سوڭىنا ءۇش پوليتسيا كولىگى تۇسكەنى بەينەلەنگەن.
قالالىق پوليتسيا دەپارتامەنتىنىڭ وكىلدەرى اتالمىش وقيعانىڭ شىعىس اينالمالى اۆتوموبيل جولىنىڭ بويىندا بولعاندىعىن ايتتى.
«جۇرگىزۋشى پوليتسيا قىزمەتكەرلەرىنىڭ كولىكتى توقتاتۋ جونىندەگى ەسكەرتۋىن ەلەمەي، كەرىسىنشە، جىلدامدىقتى قوسا تۇسكەن. وسىعان بايلانىستىڭ ونىڭ سوڭىنا بىرنەشە پوليتسيا كولىگى ءتۇسىپ، كولىكتى قورشاۋعا الىپ، ونىڭ ودان ءارى قوزعالىسىنا جول بەرمەدى. جۇرگىزۋشى قولعا تۇسكەن سوڭ وعان قاتىستى اكىمشىلىك شارالار قولدانىلىپ، 5 حاتتاما تولتىرىلدى. ونىڭ ىشىندە كولىكتى جۇرگىزۋشى كۋالىگى جوق ازاماتقا بەرۋ فاكتىسى بار. بۇدان سوڭ، جۇرگىزۋشى پوليتسيانىڭ ەسكەرتۋىنەن سوڭ بىردەن توقتاۋى قاجەت بولاتىن. ونىڭ مەملەكەتتىك ءنومىرى تالاپقا ساي ەمەس بولىپ شىقتى. سونىمەن قاتار زاڭ بۇزۋشى ارنايى بەلگى بەرمەي، ياعني قاۋىپسىزدىكتى ساقتاماستان مانەۆر جاسادى، جول بەلگىلەرىنە قاتىستى تالاپتاردى دا ورىنداماعان»، - دەدى الماتى قالالىق پوليتسيا دەپارتامەنتىنىڭ باسپا ءسوز قىزمەتى.
اۋدارما: ايدار وسپاناليەۆ