+7 (701) 759 90 19
-2 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

اتىراۋلىق وقۋشى كىرپىشتىڭ جاڭا ءتۇرىن ويلاپ تاپتى

18 قاراشا 08:00
:ءبولىسۋ
اتىراۋلىق وقۋشى كىرپىشتىڭ جاڭا ءتۇرىن ويلاپ تاپتى

اتىراۋ. قازاقپارات - اتىراۋ قالاسىنداعى نازاربايەۆ زياتكەرلىك مەكتەبىنىڭ 10-سىنىپ وقۋشىسى ەرمەك كەڭەسوۆ حيميانى مەڭگەرۋ بارىسىندا قۇرىلىسقا قاجەت كىرپىشتىڭ جاڭا ءتۇرىن ويلاپ تاپتى، دەپ حابارلايدى قازاقپارات ءتىلشىسى.

«مەن بۇل جوبانى زەرتتەۋ ۇستىندە ب ۇ ۇ-نىڭ دەرەكتەرى بويىنشا پلاستيكالىق قالدىقتار جىل سايىن الەمدە 1 ميلليوننان استام قۇستىڭ ولىمىنە، 100 مىڭعا جۋىق سۋداعى سۇتقورەكتىلەر مەن بالىقتاردىڭ جويىلۋىنا سەبەپشى بولاتىنىن انىقتادىم. پلاستيكالىق پاكەتتەر تىنىق مۇحيتىندا قوقىستاردىڭ ارالىنا اينالىپ بارادى. مۇنىڭ بارلىعى انتروپوگەندىك ارەكەتتەردىڭ سالدارىنان تۋىندايتىنى شىندىق»، - دەيدى ەرمەك.

جاس ونەرتاپقىشتىڭ ايتۋىنشا، مۇنداي جاعدايدان شىعۋدىڭ جولى - پلاستيكالىق قالدىقتاردى وڭدەۋ ارقىلى قايتا قولدانۋ. ەرمەك بۇل يدەياسىن ءىس جۇزىندە دالەلدەۋ ءۇشىن كادىمگى قيىرشىق تاس، توپىراق جانە پلاستماسسالىق قالدىقتاردى پايدالانا وتىرىپ پلاستكىرپىش جاساپ شىعاردى. الدىمەن ول ءونىمنىڭ ەكونوميكالىق تيىمدىلىگىن انىقتاۋ ماقساتىندا پوليمەردىڭ ادديتيۆتىك جانە كوندەنساتسيالىق قاسيەتتەرىن فيزيكا مەن حيميا پانىندە زەرتتەگەن. سونداي-اق كوپتەگەن دەرەكتەردى عالامتور جانە ءداستۇرلى ادەبيەتتەردەن ىزدەگەنىن ايتادى. كەيىن پلاستماسسالاردى بولشەكتەۋ ءۇشىن ءتىپتى قاتتى كارتوننان گيدراۆليكالىق اپپارات جاساعانىن ايتتى.

تاجىريبەنىڭ سوڭىندا پلاستكىرپىش دايىن بولىپ جوبانىڭ جۇمىسى ءساتتى اياقتالدى. العاشقى ءونىم نارىقتاعى كىرپىشتەن كەم ەمەس. سەبەبى ونىڭ تىعىزدىعى، سۋدى ءسىڭىرۋى جانە ايازعا تۇراقتىلىعى تالاپقا جاۋاپ بەرەدى.


قازىرگى تاڭدا ەرمەك پلاستكىرپىشتى كوپتەپ شىعارۋ ءۇشىن ءوندىرىس اشۋعا نيەتتى. ول ءۇشىن مەكتەپ وقۋشىسى ارنايى بيزنەس-جوسپار قۇرىپ، كىرىستەر مەن شىعىستاردى ەسەپتەپ قويعان.

«پلاستيكالىق قالدىقتاردى قايتا وڭدەۋ نارىقتاعى پلاستماسسالىق ءوندىرىستى ازايتۋدىڭ ەڭ ءتيىمدى جولى»، - دەيدى ەرمەك كەڭەسوۆ.


اۆتور: اباي ابىلاي ۇلى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات