قازاقستانداعى اپتا ىشىندەگى كادرلىق تاعايىنداۋلار

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى نازارلارىڭىزعا ەل استاناسى مەن وڭىرلەردەگى باستى اۋىس- تۇيىستەر جايلى اپتا قورىتىندىسىن ۇسىنادى.

اپتانىڭ باسىندا قورعانىس ءمينيسترىنىڭ بۇيرىعى بويىنشا قازاقستان قارۋلى كۇشتەرى باس شتابى باستىعىنىڭ ورىنباسارى بولىپ ق ر قك بش تاربيە جانە يدەولوگيالىق جۇمىستار دەپارتامەنتىنىڭ باستىعى 1-دارەجەلى كاپيتان سەرىك بورامبايەۆ تاعايىندالدى.

سەرىك جاقسىعالي ۇلى كيەۆ جوعارعى اسكەري- تەڭىز پوليتەحنيكالىق ۋچيليشەسىنىڭ، ق ر ر ف اسكەري ۋنيۆەرسيتەتىنىڭ، ق ر ر ف اسكەري ۋنيۆەرسيتەتى جانىنداعى اديۋنكتۋراسىنىڭ، ق ر ۇلتتىق قورعانىس ۋنيۆەرسيتەتى جانىنداعى اكادەميالىق كۋرستاردىڭ تۇلەگى. قىزمەت جولىن كاسپيي فلوتىنىڭ كورابلدەر كۇزەتى ديۆيزيونى ساياسي ءبولىمنىڭ كومسومولدىق جۇمىستار جونىندەگى باستىعىنىڭ كومەكشىسىنەن باستاعان. ءار جىلدارى اتىراۋ وبلىستىق اسكەري كوميسسارياتىندا اسكەري- تەڭىز ينستيتۋتى باستىعىنىڭ ورىنباسارى، ق ر ق ك اسكەري- تەڭىز باسقولباسشىسىنىڭ ورىنباسارى قىزمەتىن اتقاردى.

ال تۇركىستان وبلىسىنىڭ اكىمى ءومىرزاق شوكەيەۆتىڭ وكىمىمەن تۇركىستان وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىلىعىنا قايرات امانكەلدى ۇلى ابدۋاليەۆ كەلدى.

قايرات امانكەلدى ۇلى 1968 -جىلى تۇلكىباس اۋدانىندا تۋعان. ءبىلىمى جوعارى، عالىم اگرونوم، زاڭگەر. ەڭبەك جولىن 1986 -جىلى تۇلكىباس اۋدانى كيروۆ اتىنداعى كولحوزىنىڭ «التىن اراي» جاستار كومسومول بريگاداسىنىڭ شوپانى رەتىندە باستاعان. مەملەكەتتىك قىزمەتتى وتكەرۋدى 1999 -جىلى تۇلكىباس اۋدانى اكىمى اپپاراتى ايماقتىق دامۋ جانە كادرلارمەن جۇمىس ءبولىمىنىڭ باس مامانى لاۋازىمىندا باستاعان.

2001-2004 -جىلدارى وڭتۇستىك قازاقستان وبلىسى جەر رەسۋرستارىن باسقارۋ جونىندەگى كوميتەتى تۇلكىباس اۋدانىنىڭ وكىلى- باس مامانى جانە ءتوراعاسى لاۋازىمىن اتقاردى. 2004-2010 -جىلدارى ارالىعى ق ر ا ش م تۇلكىباس اۋداندىق اۋماقتىق باسقارماسىنىڭ باستىعى، وسىمدىكتەر كارانتينى جونىندەگى مەملەكەتتىك ينسپەكسيا ءبولىمىنىڭ باستىعى، ينسپەكسيا باستىعىنىڭ ورىنباسارى جانە باستىعى قىزمەتتەرىن اتقارعان. 2010 -جىلدان بەرى تۇلكىباس جانە سارىاعاش اۋداندارىنىڭ اكىمى لاۋازىمدارىن اتقارىپ كەلگەن.

سونىمەن بىرگە، قاراعاندى وبلىستىق ەكونوميكا باسقارماسىنىڭ جاڭا باسشىسى بولىپ ازامات مۇقانوۆ كەلدى.

ازامات مۇقانوۆ 1976 -جىلى قاراعاندى وبلىسىنىڭ اقتاۋ كەنتىندە دۇنيەگە كەلگەن. 1997 -جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «ماركەتينگ جانە كوممەرتسيا» ماماندىعى بويىنشا بىتىرگەن. كاسىبي بۋحگالتەر جانە مەملەكەتتىك اۋديتور سەرتيفيكاتتارى بار. ەڭبەك جولىن 1997 -جىلى «ۆاليۋت- ترانزيت بانك» ا ا ق ساۋدا وپەراتسيالارى باسقارماسىنىڭ مامانى بولىپ باستاعان.

2009-2012 -جىلدار ارالىعىندا قاراعاندى وبلىسى اكىمى اپپاراتى باسشىسىنىڭ ورىنباسارى لاۋازىمىنا تاعايىندالدى. 2012-2013 -جىلدارى «قاراعاندى وبلىسىنىڭ ەكونوميكا جانە بيۋدجەتتىك جوسپارلاۋ باسقارماسى» م م باستىعى بولدى. 2014-2016 -جىلدارى ق ر كولىك جانە كوممۋنيكاتسيا مينيسترلىگى ىشكى باقىلاۋ باسقارماسىنىڭ باسشىسى قىزمەتىن اتقاردى. 2016-2019 -جىلدارى ق ر ينۆەستيتسيالار جانە دامۋ مينيسترلىگىندە ءارتۇرلى لاۋازىمداردى اتقاردى. جاڭا تاعايىنداۋعا دەيىن ق ر يندۋستريا جانە ينفراقۇرىلىمدىق دامۋ مينيسترلىگى كادر جۇمىسى دەپارتامەنتىنىڭ ديرەكتورى بولىپ جۇمىس ىستەدى.

قاراعاندى وبلىسىندا سونداي- اق، تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جاڭا باسشى كەلدى.

ول 2006-2008 -جىلدار ارالىعىندا تەمىرتاۋ قالاسىندا باسقارمانى باسقاردى. 2013-2014 -جىلدار ارالىعىندا ق ر دەنساۋلىق ساقتاۋ مينيسترلىگى مەملەكەتتىك سانيتارلىق- ەپيدەميولوگيالىق قاداعالاۋ كوميتەتىنىڭ قاراعاندى وبلىسى بويىنشا دەپارتامەنتى باسشىسىنىڭ ورىنباسارى لاۋازىمىنا كىرىستى. 2014 -جىلى ق ر دەنساۋلىق ساقتاۋ مينيسترلىگى مەملەكەتتىك سانيتارلىق- ەپيدەميولوگيالىق قاداعالاۋ كوميتەتىنىڭ قاراعاندى وبلىسى بويىنشا دەپارتامەنتىنىڭ باس مەملەكەتتىك سانيتارلىق دارىگەرى بولدى. 2014 -جىلدان باستاپ 2018 -جىلعا دەيىن قاراعاندى وبلىستىق مەديتسينالىق كومەك ستانتسياسىنىڭ ديرەكتورى قىزمەتىن اتقاردى. 2018 -جىلى «ق ر دەنساۋلىق ساقتاۋ مينيسترلىگىنىڭ رەسپۋبليكالىق سانيتارلىق اۆياتسيا ورتالىعى» ر م ك الماتى بويىنشا وكىلدىگىنىڭ ديرەكتورى بولىپ تاعايىندالدى. جاڭا تاعايىنداۋعا دەيىن ساران ورتالىق اۋرۋحاناسىنىڭ ديرەكتورى بولىپ جۇمىس ىستەگەن.

اۋىس- ءتۇيىس اقتوبە وبلىسىندا دا بولدى. وڭىردەگى وبلىستىق ەكونوميكالىق تەرگەۋ دەپارتامەنتىنە جەڭىس ەلەمەسوۆ تاعايىندالدى. 41 جاستاعى جەڭىس ەلەمەسوۆ جوعارى ءبىلىمدى. ت. رىسقۇلوۆ اتىنداعى قازاق ەكونوميكالىق ۋنيۆەرسيتەتى، قازاق مەملەكەتتىك زاڭ اكادەمياسى، رەسەي حالىق شارۋاشىلىق جانە ر ف پرەزيدەنتى جانىنداعى مەملەكەتتىك قىزمەت اكادەميالارىنىڭ تۇلەگى. ەڭبەك جولىن الماتى وبلىسى بويىنشا قارجى پوليتسياسىنىڭ ەكونوميكالىق قىلمىستاردى انىقتاۋ باسقارماسىندا ينسپەكتور بولىپ باستاعان.

الماتى وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ەكونوميكالىق جانە قارجىلىق قىلمىستاردى اشۋ باسقارماسىنىڭ ءبولىم باسشىسى، استانا قالاسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ارنايى باسقارما باسشىسىنىڭ ورىنباسارى - جەدەل قىزمەت ءبولىمىنىڭ باسشىسى، استانا قالاسى بويىنشا قارجى پوليتسياسى باستىعىنىڭ ورىنباسارى، قارجى مينيسترلىگىنىڭ مەملەكەتتىك كىرىستەر كوميتەتى سوتقا دەيىنگى تەرگەۋ، قارجى مينيسترلىگىنىڭ قارجىلىق مونيتورينگ كوميتەتىنىڭ تەرگەۋ دەپارتامەنتتەرنىڭ باسشىسى بولىپ قىزمەت اتقارعان.

وبلىستا سول سەكىلدى «اقتوبە» الەۋمەتتىك- كاسىپكەرلىك كورپوراتسياسىنىڭ ءتوراعاسى بولعان رۋسلان مامۋنوۆ وبلىس اكىمىنىڭ ورىنباسارى قىزمەتىنە كەلدى.

«39 جاستاعى رۋسلان مارات ۇلى مامۋنوۆ اقمولا وبلىسىندا تۋعان. قازتۇتىنۋوداعىنىڭ ەكونوميكالىق ۋنيۆەرسيتەتىندە، قازاق گۋمانيتارلىق زاڭ ۋنيۆەرسيتەتىندە ءبىلىم الدى. ەدينبۋرگ قالاسىنداعى «شوتلانديا مەنەدجمەنت جانە ماركەتينگ مەكتەبىنىڭ ەكونوميست، زاڭگەر، م ۆ ا كورپوراتيۆتىك باسقارۋ ماماندىقتارى بويىنشا ءتامامداعان.

ەڭبەك جولىن اقمولا وبلىسى اقكول اۋداندىق سالىق كوميتەتىندە مامان بولىپ باستاعان. «قازمۇنايگاز» ا ق مەنەدجەر، باس مەنەدجەر، قوعامنىڭ ەنشىلەس كومپانيالارىندا دەپارتامەنت ديرەكتورى، «قازاقستان تەمىر جولى» ۇ ك» ا ق ينۆەستيتسيالىق جوبالار جانە كۇردەلى قۇرىلىس ءبولىمىنىڭ باسشىسى، «KazSatNet» ا ق كەلىسىمشارتتار ءبولىمىنىڭ باسشىسى، «اقتوبە» الەۋمەتتىك- كاسىپكەرلىك كورپوراتسياسىنىڭ ءتوراعاسى قىزمەتتەرىن اتقاردى»، - دەپ حابارلادى وبلىس اكىمىنىڭ باسپا ءسوز قىزمەتى.

ەكولوگيا، گەولوگيا جانە تابيعي رەسۋرستار مينيسترلىگىنىڭ بۇيرىعىمەن «وحوتزووپروم» ءو ب» رەسپۋبليكالىق مەملەكەتتىك قازىنالىق كاسىپورنىنىڭ باسشىلىعىنا مارلەن اينابەكوۆ تاعايىندالدى.

مارلەن اينابەكوۆ بۇعان دەيىن مينيسترلىكتىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى قىزمەتىن اتقارىپ كەلگەن. وسى سالادا زور تاجىريبەسى بار.

ەلوردادا قالالىق توتەنشە جاعدايلار دەپارتامەنتىنىڭ باسشىسى بولىپ ازاماتتىق قورعانىس پولكوۆنيگى باۋىرجان سىزدىقوۆ تاعايىندالدى. باۋىرجان ءمادي ۇلى سىزدىقوۆ 1973 -جىلى 14 -ماۋسىمدا بۇرىنعى شىمكەنت وبلىسى بوگەن اۋدانى زاداريا اۋىلىندا دۇنيەگە كەلگەن. 2000 -جىلى قازاق مەملەكەتتىك مەديتسينا ۋنيۆەرسيتەتىن (گيگيەنيست- ەپيدەميولوگ دارىگەر)، 2010 -جىلى ر ف ت ج م ازاماتتىق قورعانىس اكادەمياسىن، 2019 -جىلى «سينەرگيا) ماسكەۋ قارجى- ونەركاسىپ ۋنيۆەرسيتەتىن زاڭگەر ماگيسترى دارەجەسىمەن ءتامامداعان.

2001 -جىلدان بەرى ازاماتتىق قورعانىس ورگاندارىندا جۇمىس ىستەيدى. ەڭبەك جولىن وڭتۇستىك قازاقستان وبلىسى ت ج ب اعا وفيتسەرى بولىپ باستاعان. 2010-2012 -جىلدارى ق ر تجم ازاماتتىق قورعانىس دەپارتامەنتى حالىقتى جانە اۋماقتى قورعاۋ باسقارماسىنىڭ باستىعى، 2012-2014 -جىلدارى ق ر ت ج م اقتوبە وبلىستىق ت ج د باستىعىنىڭ ورىنباسارى، 2014-2015 -جىلدارى ق ر ءى ى م اقتوبە وبلىستىق ت ج د باستىعىنىڭ ورىنباسارى، 2015 -جىلعى اقپاننان - اقتوبە وبلىستىق ت ج د باستىعى بولدى.

اۆتور: ايان بەكەن ۇلى