حالىق سۇيىكتىسى ۇلتتىق سىيلىعى بويىنشا داۋىس بەرۋ اياقتالدى

نۇر-سۇلتان. قازاقپارات - «حالىق سۇيىكتىسى» ۇلتتىق سىيلىعىنىڭ توعىزىنشى كەزەڭى بويىنشا داۋىس بەرۋ اياقتالدى، دەپ حابارلايدى قازاقپارات ءتىلشىسى.

قازاقستاندىق «رەسپۋبليكا- ايماق- دامۋ» قوعامدىق قورى 2011 -جىلى بەكىتكەن ۇلتتىق سىيلىق قوعامدا تانىمال ادامدار مەن ۇيىمدارعا بەرىلەدى.

داۋىس بەرۋ ءۇش كەزەڭنەن تۇردى. العاشقىسى - الدىن الا كەزەڭ (ۇسىنۋ) بولسا، ءبىرىنشى كەزەڭ - Facebook جەلىسى ارقىلى جۇرگىزىلىپ، ال سوڭعى كەزەڭ سايتتىڭ رەسمي سايتىندا ءوتتى.

وسىمەن توعىزىنشى جىل قاتارىنان بەرىلگەلى وتىرعان سىيلىقتىڭ نوميناتسيالار ءتىزىمى مىناداي: «جىلدىڭ ۇزدىك مۇعالىمى»، «جىلدىڭ ۇزدىك دارىگەرى»، «جىلدىڭ ۇزدىك سپورتشىسى»، «جىلدىڭ ۇزدىك پارلامەنتارييى» ، «جىلدىڭ ۇزدىك تەلەجۇرگىزۋشىسى» ، «جىلدىڭ ۇزدىك ءپۋبليتسيسى» ، «جىلدىڭ ۇزدىك مادەنيەت قايراتكەرى»، «جىلدىڭ ۇزدىك اقپاراتتىق ينتەرنەت- باسىلىمى»، «بلوگ سالاسىنىڭ كوشباسشىسى»، «جىلدىڭ ۇزدىك ترەۆەل- بلوگەرى»، «جىلدىڭ ۇزدىك فەرمەرى» ، «جىلدىڭ ۇزدىك كاسىپكەرى»، «جىلدىڭ ۇزدىك الەۋمەتتىك بەلسەندىسى»، «جىلدىڭ ۇزدىك ۆاينەرى» .

ەسكە سالا كەتسەك، «حالىقتىڭ سۇيىكتىسى-2018» جۇلدەسىنە يە بولعان جەڭىمپازدار بيىلعى قاڭتاردا ماراپاتتالعان بولاتىن. «جىلدىڭ ۇزدىك اقپاراتتىق ينتەرنەت- باسىلىمى» نوميناتسياسىن «قازاقپارات» حالىقارالىق اقپارات اگەنتتىگى جەڭىپ العان ەدى.

اۆتور: ايان بەكەن ۇلى