تۇركىستان بۇكىلالەمدىك ۇيىمعا مۇشە بولدى

نۇر-سۇلتان. قازاقپارات - وبلىستىڭ ورتالىعى عانا ەمەس تۋريزمنىڭ ورتالىعىنا اينالىپ جاتقان، كۇن ساناپ تۇرلەنىپ، كوركەيىپ كەلە جاتقان تۇركىستان قالاسى بۇكىلالەمدىك ۇيىمنىڭ مۇشەسى اتاندى.

بۇل تۋرالى فەيسبۋكتەگى پاراقشاسىندا تۇركىستان قالاسىنىڭ اكىمى راشيد ايۋپوۆ جازدى.

- تۇركى حالقىنىڭ وشاعى اتانىپ كەتكەن تۇركىستان ءۇشىن بۇگىن ماڭىزدى كۇن. تۇركىستان بۇگىن بۇكىلالەمدىك «بىرىككەن قالا جانە جەرگىلىكتى بيلىك» ۇيىمىنىڭ مۇشەسى اتانادى. بۇل وعان الەمنىڭ 120 ەلىندەگى ءبىر مىڭنان اسا قالامەن تاجىريبە الماسۋعا مۇمكىندىك بەرەدى. جىل بويى سول مەملەكەتتەردە تەگىن جارناما جۇرەدى. تۋريستتەردىڭ كەلۋىنە ۇلكەن ۇلەسىن قوسادى، ارينە ول قالامىزدا كاسىپكەرلىكتى دامىتىپ، جۇمىس ورىندارىن اشۋعا سەبەپ بولادى، - دەپ جازدى قالا اكىمى.

تۇركىستان قالاسىندا ءبىرىنشى كەزەڭدە 175 نىساننىڭ قۇرىلىسى جوسپارلانعان. ونىڭ 102 سى بيىل پايدالانۋعا بەرىلەدى. تۇركىستاندا عيمارات سالۋعا رەسپۋبليكانىڭ وزگە وڭىرلەرى دە اتسالىسۋدا. قازىردىڭ وزىندە جاڭا وبلىس ورتالىعىندا بىرنەشە نىساننىڭ قۇرىلىسى اياقتالىپ، پايدالانۋعا بەرىلدى. جال سوڭىنا قاراي پايدالانۋعا بەرىلەتىن نىسانداردىڭ ىشىندە تۇركىستان وبلىستىق اكىمدىگىنىڭ عيماراتى دا بار.

بيىل قاسيەتتى قالاعا كەلگەن تۋريستەردىڭ سانى 1 ميلليوننان اسىپ وتىر.