+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ەكى پەرىشتەنىڭ اڭگىمەسى. زاماناۋي ءتامسىل

17 قاراشا 11:21
:ءبولىسۋ
ەكى پەرىشتەنىڭ اڭگىمەسى. زاماناۋي ءتامسىل

نۇر-سۇلتان. قازاقپارات - ەكى پەرىشتەنىڭ اڭگىمەسىنەن. ۇلكەنى قولاستىنداعى پەرىشتەگە:

- ايت! ءبىر اۋىز سوزبەن جەتكىز ءبارىن!

- امان- ەسەن. جۇمىسقا بارىپ ءجۇر. الدەنەدەن ءۇمىتى بار.

- نەدەن؟

- ايتۋ قيىن. ەكى رەت وعان كەرەمەت ءتۇس كورسەتتىم، ءبىراق بايقامايدى. جۇمىستان شارشايتىنىن ايتادى.

- ال جۇمىسىندا نە جاعداي؟

- ادەتتەگىدەي. باسشىلىق. قاربالاس. قاڭقۋ ءسوز.

- باسشىلىق قاتال ما؟

- ايتارلىقتاي ەشتەڭەسى جوق. وزگە باسشىلار سياقتى-اق. نەگە ەكەنى، ول ولەردەي قورقادى...

- قورقىنىشىن سەيىلتىپ كوردىڭ بە؟

- ارينە. كەڭسەگە بارار جولدا-اق بايقاپ كوردىم. ءتىپتى اسپانىنداعى بۇلتتى سەيىلتىپ، كۇننىڭ كوزىن كورۋىنە بار جاعدايدى جاساپ باقتىم.

- ءاتىرىنىڭ ءيىسى-اق الىستان ەلىتىپ اكەتەر بەيتانىس سۇلۋمەن تانىستىرىپ كورمەدىڭ بە؟

- ولاي رەنجىتە كورمەڭىز... مەترودا ءتىپتى بەتپە-بەت كەلتىردىم دە...

- قالاي؟

- وزگەرىسسىز! «كەشىرىڭىز» دەدى دە، ءوز ويىنىڭ جەتەگىندە كەتتى...

- ال جۇمىستان كەيىن نەمەن اينالىسادى؟

- دۇكەن. تەلەديدار. ىدىس جۋۋ. ينتەرنەت. ۇيقى.

- تەلەديدارىن بۇزىپ كورمەدىڭ بە؟

- كوردىم. جاڭاسىن ساتىپ الدى...

- ينتەرنەتتى ءوشىرىپ شە؟

- بەس كۇن قاتارىنان ءوشىردىم. ول جۇمىستا قالۋدى شىعاردى. ءتۇننىڭ ءبىر ۋاعىنا دەيىن.

- ال دەمالىس كۇندەرىن قالاي وتكىزەدى؟

- تۇسكە دەيىن ۇيقى. پاتەرىن جيناۋ. كەشكە - دوستارى، ماعىناسىز اڭگىمە، اراق- شاراپ. ءتۇن ورتاسىندا ۇيىنە كەلەدى. تاعى دا تەلەديدار نەمەسە ينتەرنەت.

- ال ول قايدا (بولاشاق ەكىنشى جارتىسى)؟

- كوز الدىندا. ارالارىندا ءۇش-اق ءۇي. ءتىپتى ازىق- تۇلىككە دە ءبىر دۇكەنگە بارادى.

- كەزەكتە تۇرعاندا كەزدەستىرىپ كوردىڭ بە؟

- ارينە! اۆتوبۋس ايالداماسىندا دا، مەرەكەلەردە دە تالاي كەزدەستىردىم.

- ەكەۋىنىڭ تاعدىر جولدارىن تەكسەردىڭ بە؟

- ءبارى دە سايكەسىپ- اق تۇر... ءبىراق بۇل قالا... مۇنداعى ءومىر سالتى... مەن شارشادىم! بۇل - ورىندالماس تاپسىرما!

- ەندەشە، ەڭ اسەرلى قۇرالدارىڭ قايدا؟

- مىنە، باسەكە! جوعارى تەمپەراتۋرا، تۇماۋ. سىنىق. جاراقات. كولىك اپاتى. داعدارىس. ءورت. قارجىلىق قيىندىق...

- جەتەدى! ماحاببات جولىندا مۇنداي سوڭعى امالعا بارۋعا رۇقسات! تەك بۇلاردىڭ بىرەۋىن عانا قولدان! ورىندا!

- قۇپ بولادى!

دەرەككوز : anabol.kz


باستى سوزدەر: قوعام, ءدئن,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات