«مەنىڭ تۋىم، مەنىڭ وتانىم!»
اكسيا بارىسىندا ءا. بەكتايەۆ كوشەسىندەگى «تاۋ جۇلدىزى» ساۋدا-ساتتىق بازارىنا كوك تۋىمىز تىگىلدى.
بۇل تۋرالى تولەبي اۋدانى اكىمدىگىنىڭ باسپا ءسوز قىزمەتى حابارلادى.
پاتريوتتىق اكسيانىڭ نەگىزگى ماقساتى - مەملەكەتتىك تۋدىڭ ماڭىزىن ناسيحاتتاپ، جاستاردى وتان سۇيگىشتىككە باۋلۋ، تۋدى تۇراقتى تۇردە قوعامدىق ورىنداردا، تۋريستىك نىسانداردا، ساۋدا جانە ويىن- ساۋىق ورتالىقتارىندا ءىلۋ بولىپ تابىلادى.
سالتاناتتى جيىندا اۋدان اكىمىنىڭ ورىنباسارى قانات مىلتىقبەكوۆ «ءبىز سان عاسىرلار بويى بابالارىمىز اڭساعان تاۋەلسىزدىككە قول جەتكىزگەن تاڭدا ءوز الدىنا مەملەكەت بولۋمەن قاتار، تۇعىرى بيىك تۋىمىزبەن، ەل تاريحىن الەمگە تانىتار ەلتاڭبامىزبەن جانە كەز-كەلگەننىڭ پاتريوتتىق رۋحىن كوتەرەتىن مەملەكەتتىك انۇرانىمىزبەن ايبىندى ەل بولا بىلدىك. سوندىقتان كوك بايراعىمىزدىڭ قاشاندا تۇعىرى بيىك، ءانۇرانىمىز الەمنىڭ تۇكپىر تۇكپىرىندە جاڭعىرىپ، ەلتاڭبامىز ۇنەمى ايبىنىمىز بەن ابىرويىمىزدىڭ بەلگىسى بولا بەرسىن»، دەپ جىلى لەبىزىن ءبىلدىردى.
ءىس-شارا بارىسىندا پاتريوتتىق اندەر شىرقالىپ، كوك تۋدىڭ ءمان-ماڭىزىن تۇسىندىرەتىن كەلەلى ويلار ايتىلدى.