+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

كەشە نۇر-سۇلتاندا «فاريزا» سپەكتاكلى بولماي قالدى

17 قاراشا 09:05
:ءبولىسۋ
كەشە نۇر-سۇلتاندا «فاريزا» سپەكتاكلى بولماي قالدى

نۇر-سۇلتان. قازاقپارات - بۇگىن «دارىن» مەملەكەتتىك سىيلىعىنىڭ لاۋرەاتى، باستى كەيىپكەر - فاريزا وڭعارسىنوۆانى سومدايتىن اكتريسا نازگۇل قارابالينانىڭ سىرقاتتانىپ قالۋىنا بايلانىستى نۇر-سۇلتان قالاسى جاستار تەاترىندا قويىلاتىن «فاريزا» سپەكتاكلى وتپەي قالدى، دەپ حابارلايدى قازاقپارات ءتىلشىسى.

فاريزا وڭعارسىنوۆانىڭ 80 جىلدىعىنا وراي ۇيىمداستىرىلعان قويىلىمنىڭ پرەمەراسى الماتى قالاسىنداعى مۇحتار اۋەزوۆ اتىنداعى مەملەكەتتىك اكادەميالىق دراما تەاترىندا وتكەن بولاتىن.

«بۇل سپەكتاكل تالاي شاھاردى ارالادى. بۇل - ماسكەۋگە بارىپ، كورەرمەن قوشەمەتىنە بولەنىپ كەلە جاتقان تۋىندى ەدى. كەشە نازىمعا (قارابالينا - اۆتور) «بۇل - عارىش. سەن تەڭدەسسىز وبراز جاسادىڭ» دەپ ايتىپ ەدىم. بۇگىن باستى كەيىپكەردى سومدايتىن جالعىز اكتريسا ءوزى بولاتىن. ونى الماستىراتىن ارتيست جوق. بۇگىن ونىڭ دەنساۋلىق جاعدايىنا بايلانىستى قيىندىق تۋىندادى. ءبىز ونىڭ ساحناعا شىققانىن قالاپ، كوپ جۇمىس ىستەدىك. دارىگەرلەر ساحنانىڭ سىرتىندا. سىزدەردەن كەشىرىم سۇرايمىز»، - دەدى دراماتۋرگ، پەسا اۆتورى روزا مۇقانوۆا.

يدەيا اۆتورى جانە سپەكتاكلدىڭ باس پروديۋسەرى، كومپانيا جەتەكشىسى - اينۇر كوپباساروۆا. پەسانى پروديۋسەرلىك ورتالىقتىڭ تاپسىرماسىمەن دراماتۋگ روزا مۇقانوۆا جازعان.

كومپوزيتورى - رەنات گايسين. رەجيسسەرى - فارحات مولداعالي.

ەسكە سالا كەتسەك، اتالعان سپەكتاكل ەلوردادا 15-16 -قاراشا كۇنى ءوتۋى كەرەك بولاتىن.

اۆتور: زارينا قاھارمان


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات