+7 (701) 759 90 19
21 °С : نۇر-سۇلتان
18 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

سوزاق اۋدانىندا تاڭبالى تاس قايتا جاڭعىرتىلدى

17 قاراشا 05:15
:ءبولىسۋ
سوزاق اۋدانىندا تاڭبالى تاس قايتا جاڭعىرتىلدى

سوزاق. قازاقپارات - تۇركىستان وبلىسى، سوزاق اۋدانىندا «تاڭبالى تاس» تاريحي ەسكەرتكىشىنىڭ اشىلۋ ءراسىمى بولدى.

بەتباقدالا توسىندەگى ەسكەرتكىش «اپپاق» جاۋاپكەرشىلىگى شەكتەۋلى سەرىكتەستىگىنىڭ دەمەۋشىلىگىمەن قايتا جاڭعىرتىلعان بولاتىن، دەپ حابارلايدى قازاقپارات ءتىلشىسى.

تاعىلىمى مول شاراعا وسكەلەڭ ۇرپاققا وتان تاريحىن ناسيحاتتاۋ ماقساتىن كوزدەگەن جاس ۇستازدار مەن ولكە تاريحىن تانۋعا قۇمار بەلسەندى جاستار ارنايى قاتىستى. ەسكەرتكىشتىڭ اشىلۋ راسىمىندە سوزاق اۋدانىنىڭ اكىمى سالىحان پولاتوۆ ءسوز الىپ، «تاڭبالى تاستىڭ» قازاق تاريحىندا الاتىن ورنى ايىرىقشا ەكەنىنە توقتالدى. «تۇركى دۇنيەسى ءۇشىن كۇلتەگىن، تونىكوك، بىلگە قاعان جازۋلارى قانداي قۇندى بولسا، قازاق ءۇشىن تاڭبالى تاس تا سونداي قۇندى. ءبىزدىڭ ەلدىك تاريحىمىزدىڭ بەلگىسى - تاڭبالى تاس.

«رۋحاني جاڭعىرۋ» باعدارلاماسى اياسىندا قايتا جاڭعىرتۋ جۇمىستارىن جۇرگىزگەن سەرىكتەستىكتىڭ باس ديرەكتورى الەكساندر اۆدەيەۆ پەن ۇجىمعا العىس ايتامىن»، - دەدى اۋدان اكىمى. شارادا سونداي-اق، سوزاق اۋدانىنىڭ قۇرمەتتى ازاماتى سوزاقباي ءابدىقۇلوۆ، «قازاتومپروم» ۇاك ءوندىرىس جونىندەگى باس ديرەكتورى داۋرەن قۇنانبايەۆ، «اپپاق» ج ش س باس ديرەكتورى الەكساندر اۆدەيەۆ، سوزاق اۋدانىنىڭ ارداگەرلەر كەڭەسىنىڭ ءتوراعاسى قابىلبەك ەسپەنبەتوۆ قازاق تاريحىنىڭ شوقتىعى بيىك ەسكەرتكىشى «تاڭبالى تاس» جايىندا، ونىڭ قۇندىلىعى جونىندە ءسوز قوزعادى. تاريحشى سۇلەيمەن ءتابىرىز ۇلى تاريحتىڭ ءتۇپقازىعى «تاڭبالى تاس» تۋرالى عالىمداردىڭ دەرەكتەرىن كەلتىرە وتىرىپ كەڭىنەن اڭگىمەلەپ بەردى. «قازاق حالقى عاسىرلار بويى تاريحي دامۋ بارىسىندا كوپتەگەن ادەت- عۇرپى، ءتىلى، ءدىنى ءبىر تۋىستاس رۋ- تايپالاردان قۇرالىپ، حالىق بولعاندىعى بايقالادى.

قاسيەتتى «تاڭبالى تاس» - بابالارىمىزدىڭ سان عاسىرلىق ۇلتتى قالىپتاستىرۋ جولىنداعى قاجىماي- تالماي كۇرەسكەن ەرلىك ءىسىنىڭ جەمىسى»، - دەدى سۇلەيمەن ءتابىرىز ۇلى. ايتا كەتەيىك، «تاڭبالى تاس» تاريحي ەسكەرتكىشى 2008 -جىلى يۋنەسكو- نىڭ دۇنيەجۇزىلىك مادەني مۇرا تىزىمىنە، 2017 -جىلى قازاقستاننىڭ كيەلى جەرلەرىنىڭ گەوگرافياسىنا ەنگەن تاريحي قۇندى جادىگەر سانالادى.

اۆتور: اينۇر اقبايەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات