+7 (701) 759 90 19
-7 °С : نۇر-سۇلتان
2 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

كوكشەتاۋداعى «ساقالدى» قۇرىلىسقا اينالعان وقىتۋ-تاربيەلەۋ كەشەنى كەلەر جىلى پايدالانۋعا بەرىلەدى

16 قاراشا 10:11
:ءبولىسۋ
كوكشەتاۋداعى «ساقالدى» قۇرىلىسقا اينالعان وقىتۋ-تاربيەلەۋ كەشەنى كەلەر جىلى پايدالانۋعا بەرىلەدى

كوكشەتاۋ. قازاقپارات - اقمولا وبلىسىنىڭ اكىمى ەرمەك مارجىقپايەۆ كوكشەتاۋ قالاسى بويىنشا جۇمىس ساپارى كەزىندە كراسنويار باعىتىنداعى تاس جولدىڭ بويىنداعى جەكە مەنشىك سەكتورىنىڭ تۇرعىندارىمەن كەزدەستى، دەپ حابارلايدى قازاقپارات ءتىلشىسى اكىمدىكتىڭ باسپا ءسوز قىزمەتىنە سىلتەمە جاساپ.

قازان ايىندا «اشىق اكىمدىك» فورماتىندا اشىق ەسىك كۇنىن وتكىزۋ كەزىندە ءوڭىر باسشىسى جولدىڭ ساپاسى، كوشەلەردى جارىقتاندىرۋ، اۆتوبۋس قاتىناسى مەن باسقا پروبلەمالىق ماسەلەلەرى بويىنشا شاعىمدانعان وسى وكرۋگتىڭ تۇرعىندارىن جەكە قابىلداعان بولاتىن.

قالا اكىمى امانگەلدى سمايىلوۆقا ايماق باسشىسى ءۇش جىل ىشىندە وبلىس ورتالىعىنىڭ كوشە- جول جەلىسىن جوندەۋگە قاراستىرىلعان قارجى شەڭبەرىندە جولداردى جونگە كەلتىرىپ جاڭبىر سۋىن اعىزۋ ارنالارىن ورناتۋدى تاپسىردى.

وبلىس اكىمى وسىنداعى وقىتۋ- تاربيەلەۋ كەشەنىنىڭ قۇرىلىس الاڭىن ارالاپ كوردى. 2016 -جىلى باستالعان قۇرىلىس جوباسىن پىسىقتاۋ، ىرگە تاسىن قايتا قۇرۋ قاجەت بولعاندىقتان توقتاپ قالعان. مەردىگەر وبەكتىنى 2020 -جىلعى 1 -قىركۇيەكتە پايدالانۋعا بەرەتىنىنە سەندىردى. بۇگىنگى تاڭدا ەكىنشى قاباتى جابىلىپ، تەرەزەلەرى ورناتىلۋدا. تاس قالاۋشىلار ءۇشىنشى قاباتىنىڭ قابىرعالارىن كوتەرۋدە.

ەرمەك مارجىقپايەۆ مەردىگەردەن ساپاسىنا اسەر ەتكىزبەي جوسپارلانعان مەرزىمدى ساقتاۋدى تالاپ ەتتى. نىساندى جوسپارلانعان مەرزىمىندە ىسكە قوسۋ جەتىسپەيتىن وقۋ ورىندارى جانە مەكتەپكە دەيىنگى ورىندارى پروبلەماسىن شەشۋگە مۇمكىندىك بەرەدى. سونىمەن قاتار، وكرۋگكە شاعىن اۋدان مارتەبەسىن بەرۋ ماسەلەسى كوتەرىلدى.

«ءبىز، تۋرا جاۋاپ العانىمىزعا قۋانىشتىمىز»، - دەدى اڭگىمەلەسۋ بارىسىندا اقساقال سارسەنباي سەردالين.

سول كۇنى ءوڭىر باسشىسى قاجىمۇقان اتىنداعى №3 -وبلىستىق مامانداندىرىلعان بالالار مەن جاسوسپىرىمدەردىڭ وليمپيادا رەزەرۆى مەكتەبىندە بولىپ، وندا جاس سپورتشىلارعا جاسالعان جاعدايلارمەن تانىستى. مەكتەپتىڭ توبەسىن جوندەۋ، سونداي-اق، كوپبەيىندى سپورت الاڭىنىڭ قۇرىلىسىن سالۋ قاجەت ەكەن.

«كومەكتەسەمىز، ءبىراق ناتيجەلەر دە بولۋى كەرەك»، - دەدى وبلىس اكىمى.

اۆتور: اسلان وسپانوۆ


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات