سولتۇستىك قازاقستاندا بيىل نارەستە ءولىمى تومەندەدى

None
None
پەتروپاۆل. قازاقپارات - سولتۇستىك قازاقستان وبلىسىندا بىلتىر 58 نارەستە كوز جۇمسا، بيىل 47 ءسابي شەتىنەدى، دەپ حابارلايدى قازاقپارات ءتىلشىسى.

وڭىردە ءولى تۋعان شارانالار سانى دا بىلتىرعىمەن سالىستىرعاندا 48 دەن 32 گە دەيىن ازايعان. دەنساۋلىق ساقتاۋ باسقارماسىنىڭ جەتەكشىسى تيمۋر سۇلتانعازيەۆتىڭ مالىمەتىنە قاراعاندا، بيىل انا ولىمىنە جول بەرىلمەگەن. الايدا وبلىستا بالا تۋۋ كورسەتكىشى تومەندەپ كەتكەن. بىلتىر ومىرگە 5152 نارەستە كەلسە، بيىل 4883 ءسابي دۇنيە ەسىگىن اشتى.

«ءسابي ءولىمى %17 كەمىدى. الايدا وبلىستىڭ كورسەتكىشى رەسپۋبليكالىق دەڭگەيدەن %0,8 ارتىق. ءسابي ءولىمىنىڭ %72,7، ياعني باسىم بولىگى پەريناتالدىق كەزەڭدەگى جاعدايعا بايلانىستى. تۋا بىتكەن اۋرۋلاردان بولاتىن نارەستە ءولىمىنىڭ ۇلەسى ازايدى»، - دەدى تيمۋر سۇلتانعازيەۆ.

باسقارما جەتەكشىسىنىڭ سوزىنە قاراعاندا، وبلىستا ەكىقابات ايەلدەردىڭ بوسانۋ مەرزىمىنە قاراي، پاتولوگيانىڭ بولۋ- بولماۋىنا بايلانىستى مەديتسينالىق كومەك بەرۋ دەڭگەيى جانە قاجەت بولعان جاعدايدا بارلىق ەمدەۋ مەكەمەلەرى اراسىندا ءوزارا ارەكەت ەتۋ دۇرىس جولعا قويىلعان. رەانيماتسيالىق كەڭەس بەرۋ ورتالىعى جۇمىس ىستەيدى. بۇل ورتالىققا جىل باسىنان 176 ادام حابارلاسىپ، كەڭەس العان. سانيتارلىق اۆياتسيامەن بالالار رەانيماتولوگتارى 68 رەت، نەوناتولوگتار – 48، اكۋشەر- گينەكولوگتار 10 رەت كومەككە بارعان.

بۇدان باسقا دارىگەرلەر ۇنەمى بىلىكتىلىكتەرىن ارتتىرىپ وتىرادى. ال پەريناتالدىق مەكەمەلەردىڭ ماتەريالدىق- تەحنيكالىق بازاسىن نىعايتۋعا بيىل 333 ميلليون تەڭگە ءبولىندى، بۇل بىلتىرعىدان شامامەن 200 ميلليون تەڭگەگە ارتىق.

اۆتور: اقەركە داۋرەنبەك قىزى

سوڭعى جاڭالىقتار