+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلوردادا عارىش اپپاراتتارىن قۇراستىرۋ- سىناۋ كەشەنىنىڭ قۇرىلىسى اياقتالدى

15 قاراشا 20:41
:ءبولىسۋ
ەلوردادا عارىش اپپاراتتارىن قۇراستىرۋ- سىناۋ كەشەنىنىڭ قۇرىلىسى اياقتالدى

نۇر-سۇلتان. قازاقپارات - ءبىزدىڭ ەل عارىشكەرلەردى ءوز جەرىمىزدە دايارلاي باستايدى. ناقتىلاساق، كوپ ۇزاماي ىرىكتەۋدىڭ العاشقى كەزەڭىن، سوسىن مەديتسينالىق تەكسەرىستەردى وزىمىزدە جۇرگىزە باستايمىز، دەپ حابارلايدى «حابار 24».

جالپى بۇل سالانى دامىتۋعا قازاقستان دەن قويعالى ءبىراز بولدى. ايتالىق، جاقىندا ەلوردادا عارىش اپپاراتتارىن قۇراستىرۋ- سىناۋ كەشەنىنىڭ قۇرىلىسى اياقتالدى.

قۇرىلىسى وسىدان بىرنەشە جىل بۇرىن اياقتالۋى ءتيىس عارىش اپپاراتتارىن قۇراستىرۋ- سىناۋ كەشەنى ەندى عانا پايدالانۋعا بەرىلدى. الايدا ونىڭ قارقىن الىپ، جۇمىس ىستەۋى ءۇشىن ءالى ءبىراز ۋاقىت كەرەك سىندى. ال، نىساننىڭ ءوز ونىمدەرىن ساۋدالاۋى ءۇشىن حالىقارالىق سەرتيفيكات قاجەت. «الايدا سوعان قاراماستان جۇمىس ءجۇرىپ جاتىر»، دەيدى جاۋاپتى مەكەمە وكىلدەرى.

قازبەك باقتىبەكوۆ، «قازاقستان عارىش ساپارى» ۇ ك» ا ق ءبولىم باسشىسى:

- كابەلدىك ونىمدەر وتە ماڭىزدى. ولار رادياتسيا مەن تەمپەراتۋرالىق وزگەرىستەرگە توتەپ بەرۋى كەرەك. عارىشتا تەمپەراتۋرا 140 گرادۋس سۋىق پەن 70 گرادۋس ىستىقتىڭ ارالىعىندا قۇبىلۋى مۇمكىن. سوندىقتان بۇل ءبىز تۇرمىستا پايدالاناتىن كابەل ەمەس، عىلىمي نەگىزى بار ءونىم. سەرتيفيكاتقا قول جەتكەن سوڭ، بۇل ءونىم ساتىلىمعا شىعارىلادى. ال ازىرگە كۇتۋدەن باسقا امال جوق.

كومپانيا وكىلدەرى سالاداعى بۇدان باسقا دە جەتىستىكتەردى اتادى. سونىڭ ءبىرى - قوقىس جيناۋمەن بايلانىستى .

قازبەك باقتىبەكوۆ، «قازاقستان عارىش ساپارى» ۇ ك» ا ق ءبولىم باسشىسى:

- «قازاقستان عارىش ساپارى» قازاقستانداعى بارلىق قوقىس جينالعان ورىنداردى انىقتاپ، دەرەكتەردى جەرگىلىكتى اكىمشىلىكتەرگە جىبەرەدى. ماسەلەن، جاقىندا وڭتۇستىك قازاقستاندا وسىلاي بارلىق قوقىس جينالا باستادى. بۇل اۋقىمدى جۇمىس. قالدىق- قوقىس جينالعان بۇل ورىنداردى جەردى قاشىقتىقتان زوندتاۋعا ارنالعان 3 قازاقستاندىق جەرسەرىك انىقتاپتى.

ماسەلەن، سوڭعى جىلدارى ءجيى ايتىلىپ جۇرگەن يگەرىلمەگەن جەر اۋماقتارى دا جەرسەرىك نازارىنان تىس قالمايدى.

ءلايلا تاڭات «قازاقستان عارىش ساپارى» ۇ ك» ا ق ءبولىم باسشىسى:

- بيىلدان باستاپ پيلوتتىق جوبا اياسىندا ۇتىمدى جەرلەردى ۇتىمدى پايدالانۋعا قاتىستى عارىشتىق مونيتورينگ جۇرگىزىلۋدە. بۇل پيلوتتىق جوبانىڭ ناتيجەسى بويىنشا اقمولا وبلىسى بويىنشا 300 مىڭ گەكتارعا جۋىق پايدالانىلمايتىن جەرلەر انىقتالعان.

ازىرگە قاناتقاقتى جوبا اقمولا مەن سولتۇستىك قازاقستان وبلىستارىندا جۇزەگە اسىپ جاتىر. تيىمدىلىگىن كورسەتسە، بۇكىل ايماقتى قامتيدى. جالپى عارىش - مەملەكەت تاراپىنان قولداۋعا يە بولىپ، قوماقتى قاراجات بولىنەتىن سالانىڭ ءبىرى. وعان بايقوڭىرداعى نازاربايەۆ ۇشۋ الاڭىنىڭ قۇرىلىسىنا 330 ميلليون دوللار جوسپارلانۋى دالەل.

www.24.kz


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات