قازاقستاندا كيوكۋشينكاي كاراتەدەن الەم چەمپيوناتى وتەدى
سپورتتىق شارانى ۇيىمداستىرۋشىلار قازاقستاننىڭ جاۋىنگەرلىك ونەر اسسوتسياتسياسى، سونداي- اق، 2011 -جىلى قۇرىلىپ، شۆەيتساريادا تىركەلگەن «Kyokushin World Union» حالىقارالىق قاۋىمداستىعى.
«كيوكۋشينكاي كاراتەدەن وتەتىن الەم چەمپيوناتىندا قازاقستان نامىسىن 30 سپورتشى قورعايدى. الەم چەمپيوناتىن قابىلدايتىن مەملەكەت رەتىندە قازاقستان ەكى قۇراممەن (30 سپورتشى) ونەر كورسەتەدى. جارىس 15 سالماق دارەجەسى بويىنشا وتەدى (9 ەر، 6 ايەل) »، - دەپ حابارلايدى كوميتەتتەن.
الەم چەمپيوناتى 6 سالماق دارەجەسى بويىنشا وتكىزىلەدى. ەرلەر اراسىندا 9 (60, 65, 70, 75,80, 85, 90, 95, 95+ كەلى) جانە ايەلدەر اراسىندا 6 سانات (50, 55, 60, 65, 70, 70+ كەلى) بار. KWU ەرەجەلەرىنە سايكەس، ءاربىر سالماق دارەجەسىندە ءبىر مەملەكەتتەن ءبىر عانا سپورتشى قاتىسادى. تەك قابىلداۋشى مەملەكەتتىڭ عانا قاتىسۋشىلاردىڭ ەكى قۇرامىمەن شىعۋعا قۇقىعى بار. قازاقستان رەسپۋبليكاسى ۇلتتىق قۇراماسى ەكى قۇرامدا ونەر كورسەتەدى.
ايتا كەتەرلىگى، قازاقستاننىڭ جاۋىنگەرلىك ونەر اسسوتسياتسياسى وتكەن جىلى قۇرىلعان سپورتتىق ۇيىم. ونىڭ قۇرامىنا وليمپيادالىق ەمەس سپورت تۇرلەرى بويىنشا 20 اككرەديتتەلگەن سپورتتىق فەدەراتسيا ەندى. ونىڭ باسشىسى بولىپ كارىم ءماسىموۆ سايلاندى.
قاۋىمداستىق ءتورت باعىت بويىنشا: كاراتە، جەكپە- جەك، تولىق كونتاكتىلى سپورت تۇرلەرى جانە م م ا ارالاس جەكپە- جەك بويىنشا جۇمىس جۇرگىزەدى.
اۆتور ايان بەكەن ۇلى