+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

فاريزا وڭعارسىنوۆانىڭ ۇلى: انامنىڭ مۋزەيىن اشۋدى ارماندايمىن

15 قاراشا 20:16
:ءبولىسۋ
فاريزا وڭعارسىنوۆانىڭ ۇلى: انامنىڭ مۋزەيىن اشۋدى ارماندايمىن

نۇر- سۇلتان. قازاقپارات – ق ر ۇلتتىق اكادەميالىق كىتاپحاناسىندا كورنەكتى اقىن فاريزا وڭعارسىنوۆانىڭ قايتا باسىلىپ شىققان «شىلدە» جانە «پولدنيەۆنىي جار» كىتاپتارى تانىستىرىلدى، دەپ حابارلايدى قازاقپارات ءتىلشىسى.

كىتاپتى ورىس تىلىنە اقىن، ادەبيەتتانۋشى، اۋدارماشى تاتيانا فرولوۆسكايا اۋدارعان.

«انام تۋىندىلارىن تەك قازاق تىلىندە جازدى. ەلورداعا العاش رەت كوشىپ كەلگەن اقىنداردىڭ ءبىرى بولدى. قايتىس بولعانشا قالالىق ونوماستيكالىق كوميسسيا قۇرامىندا بولدى. شىعارمالارىن ورىس تىلىنە اۋدارۋدى قاسىندا جۇرگەن تاتيانا فرولوۆسكاياعا سەنىپ تاپسىردى. انا تىلىنەن وزگە تىلگە اۋدارعاندا، ولەڭنىڭ جانى جوعالىپ كەتۋى مۇمكىن عوي. سوندىقتان، انام اۋدارماعا جاۋاپكەرىشلىكپەن قارادى. تاتيانا فرولوۆسكايا ەكەۋى 6 جىل ەڭبەكتەندى. وكىنىشتىسى، اناممەن قاتار جۇرگەن، بىرگە جۇرگەن ت. فرولوۆسكايا وتكەن اپتادا دۇنيە سالدى»، - دەدى اقىننىڭ ۇلى الماس وڭعارسىنوۆ كىتاپتىڭ تۇساۋكەسەرىندە.

ونىڭ ايتۋىنشا، «شىلدە» جانە «پولدنيەۆنىي جار» كىتاپتارى 5 مىڭ دانادان قايتا باسىلىپ شىقتى. كىتاپتار رەسپۋبليكا اۋماقتارىنا، مەكتەپتەرگە، كىتاپحانالارعا تاراتىلادى.

«انامىزدىڭ ەڭبەگىن ۇمىتتىرمايىق دەپ، جىل سايىن شارالار ۇيىمداستىرامىز. انام اشقان «تۇمار» جۋرنالى ەكى ايدا ءبىر رەت شىعىپ تۇرادى. ەڭ ماڭىزدىسى - ءبىزدىڭ بالالارى رەتىندە ەستەلىككە نە قالدىرامىز دەگەن وي مازالايدى. كوكەيىمدە جۇرگەن ارمان - نۇر- سۇلتان قالاسىندا انامنىڭ مۋزەيىن اشۋ. بۇل جۇمىستى ەكى جىل بۇرىن باستاپ كەتتىم. انامنىڭ شىعارماشىلىق كەشتەرىندە كيگەن كيىمدەرىن، قولجازبالارىن، پايدالانعان بۇيىمدارىن، قالامدارىن، ماشينكاسىن، دومبىراسى مەن توسەك- ورنىنا دەيىن ساقتاپ قويدىم. دىنمۇحاممەد قونايەۆتىڭ مۋزەيىنەن باستاپ، ازەربايجانعا، رەسەيگە بارىپ، بەلگىلى ادامداردىڭ مۋزەيى قانداي بولۋى كەرەك دەپ ويلاندىم. جاعدايىم، شامام كەلسە، وسى مۇراجايدى اشامىز دەگەن ويدامىن»، - دەدى الماس وڭعارسىنوۆ.

ايتا كەتەيىك، بيىل فاريزا وڭعارسىنوۆانىڭ تۋعانىنا 80 جىل تولادى. بۇگىن ەلوردادا ەكسپو ماڭىنداعى كوشەلەردىڭ بىرىنە فاريزا وڭعارسىنوۆا ەسىمى بەرىلدى.

سونداي- اق، بۇگىن جاستار تەاترى ساحناسىندا «فاريزا» سپەكتاكلى قويىلادى.

اۆتور: ايجان سەرىكجان قىزى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات