+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

اتىراۋ وبلىسىندا يساتاي تايمان ۇلىنا ەسكەرتكىش ورناتىلدى

15 قاراشا 19:09
:ءبولىسۋ
اتىراۋ وبلىسىندا يساتاي تايمان ۇلىنا ەسكەرتكىش ورناتىلدى

اتىراۋ. قازاقپارات - اتىراۋ وبلىسىندا حالىق كوتەرىلىسىنىڭ ساياسي كوسەمى، قايسار قولباسشى يساتاي تايمان ۇلىنا ەسكەرتكىش ورناتىلدى، دەپ حابارلايدى قازاقپارات.

يساتاي اۋدانىنىڭ ورتالىعى اققىستاۋ اۋىلىندا قويىلعان ەسكەرتكىشتىڭ اۆتورى – ق ر سۋرەتشىلەر وداعىنىڭ مۇشەسى، ءمۇسىنشى سەرىك ماتەنيازوۆ. بيىكتىگى 12 مەتر بولاتىن ەسكەرتكىش تازا قولادان قۇيىلعان.

سالتاناتتى شاراعا قاتىسقان وبلىس اكىمىنىڭ ءبىرىنشى ورىنباسارى سەرىك شاپكەنوۆ يساتاي باتىر ەسكەرتكىشىن رەسپۋبليكاداعى ەڭ ەڭسەلى ءارى تۇعىرلى ءمۇسىننىڭ ءبىرى ەكەندىگىن اتاپ ءوتتى.


«مۇنداي شوقتىعى بيىك الىپ ەسكەرتكىشتىڭ ناقتى يساتاي اۋدانىندا اشىلۋى زاڭدى قۇبىلىس. بۇل ءىستىڭ باسى- قاسىندا بولىپ، جوسپاردىڭ ويداعىداي ورىندالىپ، ۋاقىتىلى ورناتىلعانى ءۇشىن جەرگىلىكتى جاۋاپتى تۇلعالارعا العىس بىدىرەمىن. بۇگىنگى مىندەتىمىز - ۇلى تۇلعالارىمىزدى ۇلىقتاۋ. وسى ارقىلى وسكەلەڭ ۇرپاقتى تاربيەلەۋىمىز كەرەك. نايزا ۇستاعان ايبارلى يساتاي باتىر ەسكەرتكىشى رەسپۋبليكاداعى ەڭ ەڭسەلى ءارى تۇعىرلى ءمۇسىن. بارشا يساتايلىقتاردى ايتۋلى مەرەكەمەن قۇتتىقتايمىن» ، - دەدى سەرىك شاپكەنوۆ.


ءبىر مينۋت ۇنسىزدىكتەن سوڭ ەسكەرتكىشتى وبلىستىق ارداگەرلەر قوعامىنىڭ ءتوراعاسى قاتيموللا ريزۋانوۆ، اۋعان سوعىسى ارداگەرلەرى وبلىستىق قوعامى ءتوراعاسىنىڭ ورىنباسارى بەيىمبەت ناريمان ۇلى جانە اۋعان سوعىسى جاۋىنگەرىنىڭ جەسىرى قاليما ءابۋوۆا اشتى.

ايتا كەتەيىك، شارا اياسىندا وبلىسقا تانىمال عالىم امانگەلدى شامعونوۆتىڭ يساتاي تايمان ۇلى تۋرالى جارىق كورگەن كىتابىنىڭ تۇساۋى كەسىلدى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات