شەتەلدەگى قانداستارعا قازاق ءتىلىن ونلاين وقىتاتىن جوبا تانىستىرىلدى

None
None
 نۇر- سۇلتان. قازاقپارات - «وتانداستار قورى» ك ە ا ق قىزمەتكەرلەرى موڭعوليانىڭ باتىس بەس ايماعىنىڭ ورتالىعى قوبدا قالاسىندا قازاق ءتىلىن ونلاين وقىتاتىن جوبانى تانىستىردى، دەپ حابارلايدى قازاقپارات.

«قاستەرلى قالام» جوباسىنىڭ باستى ماقساتى قازاق ءتىلىنىڭ تارالۋ ايماعىن كەڭەيتۋ، دياسپورا اراسىندا قازاق ءتىلىنىڭ مارتەبەسىن كوتەرۋ.

سونداي- اق، ەتنيكالىق قازاقتار شوعىرلانعان جەرلەردە قازاق ءتىلىن وقىتۋ بويىنشا ءبىلىم بەرۋ ءىس- شارالارىن وتكىزۋ جانە ولاردى قاجەتىنشە ادەبيەتتەرمەن، وقۋلىقتارمەن جانە وقۋ- ادىستەمەلىك قۇرالدارمەن قامتاماسىز ەتۋ. قازاق ءتىلىن قاشىقتىقتان وقىتاتىن «ونلاين» سىنىبىن اشۋ.

جوبانى ەلدەگى ج و و جانە ارنايى ءتىل وقىتۋ ورتالىقتارىنىڭ قاتىسۋىمەن ق ر اقپارات جانە قوعامدىق دامۋ مينيسترلىگى، «وتانداستار قورى» ، «دۇنيەجۇزى قازاقتارى قاۋىمداستىعى» بىرلەستىگى ۇيىمداستىرىپ وتىر.

ايتا كەتەرلىگى، سىنىپتار باستاپقىدا ەتنيكالىق قازاقتار كوپ شوعىرلانعان مەكەندەردە، اتاپ ايتقاندا استراحان، ورىنبور، ومبى، ساراتوۆ، ماسكەۋ، چەليابى، سامارا، ءنوۆوسىبىر، سانكت- پەتەربور، قوساعاش (رەسەي) ، ىستانبۇل (تۇركيا) ، پاريج (فرانتسيا) ، بەرلين (گەرمانيا) ، گورگان (يران) ، كيەۆ (ۋكراينا) ، مينسك (بەلورۋس) ، انتۆەپون (بەلگيا) ، ۇلان- باتىر، قوبدا (موڭعوليا) ، لوندون ( ۇلى بريتانيا) ، چيكاگو، حيۋستون (ا ق ش) بىشكەكتە (قىرعىزستان) اشىلادى.

بۇل سىنىپتاردا قازاق ءتىلى ساباعى ءتورت ەملەدە - قازاق- ورىس كيريلل، اعىلشىن- قازاق لاتىن، پارسى- قازاق اراب ارپىندە، قىتاي- قازاق قىتاي يەروگليفىندە اپتاسىنا 5 كۇن جۇرگىزىلەدى. وقىتۋشىلاردىڭ وتكىزگەن ساباقتارى وتانداستار YouTube ارناسىنداعى «qazaq klasy» اياسىندا (تىلدىك كۋرستەر تاقىرىبى، قازاقتىڭ سالت ءداستۇرى مەن تاريحىن دارىپتەۋ لەكسيالارى، ءتۇرلى كونفەرەنتسيالار، بەلگىلى قازاق تۇلعالارىنىڭ جۇرگىزۋىندەگى قازاقشا ديكتانتتار، تىكەلەي ەفيردەگى سۇحباتتار) ساقتالىپ، وقۋشىعا قايتالاپ قاراۋعا مۇمكىندىك بەرەدى.

ساباقتار ءتىلدى مەڭگەرۋگە بايلانىستى دەڭگەيلەرگە ءبولىنىپ، دەڭگەيدى يگەرگەن وقۋشىعا سەرتيفيكات جانە قازاقستانعا جولداما بەرىلەدى. باستاپقى دەڭگەي جازعى لاگەرلەرگە، قىسقا مەرزىمدى تىلدىك كۋرستارعا، ءتۇرلى ءىس- شارالارعا قاتىسۋعا، ورتاڭعى دەڭگەي قازاقستاندا التىن بەسىك جوباسى اياسىندا وتباسىمەن تۇرۋعا، ءتۇرلى پراكتيكالىق جۇمىستار، ساياحات جاساۋعا، جوعارعى دەڭگەي قازاقستاننىڭ ج و و- نا گرانتقا تۇسۋگە مۇمكىندىك بەرەدى.

جوبانىڭ Skype ونلاين رەجىمدە تەگىن ساباق وتكىزۋ ادىستەمەسى، جوسپارى، كەستەسى «زەردەلى» اقىل- ويدى دامىتۋ ورتالىعىمەن بىرلەسە، دامىعان ەلدەردىڭ مول تاجىريبەلەرىن زەرتتەپ، شەتەلدەگى قانداستاردىڭ سۇرانىستارىن ەسكەرىپ جاسالعان.

«وتانداستار» قورىنىڭ بيزنەس جانە جوبالاردى اكسەلەراتسيالاۋ دەپارتامەنتىنىڭ ۇيلەستىرۋشىسى بولات زاۋىت ۇلى مەن مادەني- گۋمانيتارلىق جوبالار دەپارتامەنتىنىڭ ساراپشىسى انا شاكەرحان قىزىنىڭ تانىستىرعان وسىناۋ جاڭالىقتى قوبدا قالاسىنىڭ وقۋشىلار سارايىنا جينالعان قانداستار قىزۋ قولدادى. جاقىندا اتالعان قالادا جوبا بويىنشا كەلىسىمشارت جاسالىپ، «qazaq klasy» ءوز جۇمىسىن باستايتىن بولدى.

قانداستار جيىندا وزدەرىن قىزىقتىرعان سۇراقتارعا ناقتى جاۋاپ الۋمەن قاتار، ۇسىنىس تىلەكتەرىن دە ءبىلدىردى. قاتىسۋشىلارعا قوردىڭ سايتى، ەلەكتروندىق ادرەسى، ء«بىرىڭعاي بايلانىس ورتالىعى» تۋرالى اقپارات بەرىلىپ، سول وڭىردەگى «qazaq klasy» ۇيىمداستىرۋشى زيبا يااساي قىزىنا كىتاپتار سىيلاندى.

اۆتور: قانات مامەتقازى ۇلى

سوڭعى جاڭالىقتار