+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

مۇنداي وقيعا ءار ەلدىڭ تاريحىندا ءبىر- اق رەت كەزدەسەدى - ەلباسى تەڭگەنىڭ ەنگىزىلۋى جايلى

15 قاراشا 16:47
:ءبولىسۋ
مۇنداي وقيعا ءار ەلدىڭ تاريحىندا ءبىر- اق رەت كەزدەسەدى - ەلباسى تەڭگەنىڭ ەنگىزىلۋى جايلى

نۇر- سۇلتان. قازاقپارات - ەلباسىنىڭ باسپا ءسوز قىزمەتىنىڭ Іnstagram پاراقشاسىندا نۇرسۇلتان نازاربايەۆتىڭ العاشقى ۇلتتىق ۆاليۋتانى ۇستاپ تۇرعان فوتوسۋرەتى جاريالاندى، دەپ حابارلايدى قازاقپارات ءتىلشىسى.

«1993 -جىلدىڭ سوڭىنا دەيىن قازاقستان رۋبل ايماعىندا بولىپ، تاۋەلسىز ەكونوميكالىق ساياسات جۇرگىزە المادى. رەسەيدىڭ ەسكى نۇسقاداعى قولما- قول اقشاسىنىڭ باسقا ەلدەردەن جاپپاي ءبىزدىڭ ەل اۋماعىنا ءتۇسۋى قازاننىڭ اياعىندا رەسپۋبليكانىڭ اقشا جۇيەسىنىڭ بۇزىلۋىنا، ينفلياتسياعا، «قازاقستاندىق» جانە رەسەيلىك رۋبلدىڭ ساتىپ الۋ قابىلەتىنىڭ كۇرت الشاقتاۋىنا اكەلدى. مۇنىڭ ءبارى ءبىزدىڭ حالىقتىڭ ءومىر ءسۇرۋ دەڭگەيىنە تەرىس اسەر ەتتى»، - دەلىنگەن Іnstagram پاراقشادا.

سول جىلدىڭ 15 - قاراشاسىندا نۇرسۇلتان نازاربايەۆتىڭ جارلىعىمەن ك س ر و مەملەكەتتىك بانكى مەن رەسەي بانكىنىڭ قازىناشىلىق جانە بانكتىك بيلەتتەرىنىڭ اينالىمى توقتاتىلدى. قازاقستاننىڭ ۇلتتىق ۆاليۋتاسى - تەڭگە اينالىمعا جىبەرىلدى.

«وسى ساتتەن باستاپ قازاقستاننىڭ شىنايى تاۋەلسىزدىگىنىڭ قالىپتاسۋى مەن ەل دامۋىنداعى ماڭىزدى كەزەڭ باستالدى. مۇنداي وقيعالار ءار ەلدىڭ تاريحىندا ءبىر- اق رەت كەزدەسەدى»، - دەدى قازاقستاننىڭ تۇڭعىش پرەزيدەنتى.

ەسكە سالا كەتسەك، بۇگىن - ۇلتتىق ۆاليۋتا تەڭگەنىڭ اينالىمعا ەنگەن كۇنى جانە قازاقستان قارجىگەرلەرىنىڭ كاسىبي مەرەكەسى. ۇلتتىق ۆاليۋتانى تەڭگە دەپ اتاۋدى ۇسىنعان حالىقارالىق ينجەنەرلەر اكادەمياسىنىڭ اكادەميگى، قازاقستاننىڭ بەلگىلى عالىمى، كسرو مەملەكەتتىك سىيلىعىنىڭ لاۋرەاتى، «قۇرمەت» وردەنىنىڭ يەگەرى ساۋىق تاكەجانوۆ ەدى.

تەڭگە اينالىمعا ەنگەن 26 جىلدىڭ ىشىندە ۇلتتىق ۆاليۋتامىزدىڭ قالاي وزگەرگەنىن مىنا سىلتەمەدەن كورۋگە بولادى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات