الماتى اكىمى ماسكەۋدىڭ دامۋ تاجىريبەسىنە قىزىعۋشىلىق ءبىلدىردى
كەزدەسۋ بارىسىندا سەرگەي چەرەمين دامۋدىڭ قالالىق باعدارلامالارىن، قوعامدىق كەڭىستىكتى وزگەرتۋدىڭ، دەنساۋلىق ساقتاۋ مەن ءبىلىم سالاسىنداعى رەفورمالاردى جۇزەگە اسىرۋدىڭ تاجىريبەلەرى تۋرالى ايتتى. سونىمەن قاتار، قوناق تۇرعىن ءۇي قورىن، كولىك ينفراقۇرىلىمىن مودەرنيزاتسيالاۋ جانە كوممۋنالدىق شارۋاشىلىقتى سيفرلاندىرۋ، مەگاپوليستىڭ تىنىس- تىرشىلىگىن قامتاماسىز ەتۋ جونىندەگى اقپاراتپەن ءبولىستى.
الماتى اكىمى باقىتجان ساعىنتايەۆ قالانى باسقارۋ جۇيەسىنە جاڭا تەحنولوگيالار مەن يننوۆاتسيانى ەنگىزۋدە ماسكەۋدىڭ دامۋ تاجىريبەسى ۇتىمدى ەكەنىن اتاپ ءوتتى.
«ءبىزدىڭ قالالاردا ىنتىماقتاستىقتى جانە دەنساۋلىق ساقتاۋدى، ءبىلىمدى، كولىك ينفراقۇرىلىمىن، تكش جانە تسيفرلاندىرۋدى مودەرنيزاتسيالاۋ ماسەلەلەرى بويىنشا تاجىريبە الماسۋدا جاقسى پەرسپەكتيۆالار بار» ، - دەدى ب. ساعىنتايەۆ.
الماتىدا «شەتسىز قالا» قاعيداسى بويىنشا حالىقتىڭ تۇراتىن جەرىنە قاراماستان جايلى ءومىر ءسۇرۋ جانە الەۋمەتتىك قىزمەتتەردى الۋ ءۇشىن بارلىق جاعدايلار جاسالاتىن بولادى.