+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

وليمپياداعا ليسەنزيا العان قازاقستاندىق سپورتشىلاردىڭ ءتىزىمى جاريالاندى

15 قاراشا 15:50
:ءبولىسۋ
وليمپياداعا ليسەنزيا العان قازاقستاندىق سپورتشىلاردىڭ ءتىزىمى جاريالاندى

نۇر- سۇلتان. قازاقپارات - 2020 -جىلى جاپونيا استاناسى - توكيودا وتەتىن جازعى وليمپيادا ويىندارىندا ليسەنزيا العان قازاقستاندىق سپورتشىلاردىڭ ءتىزىمى جاريالاندى، دەپ حابارلايدى قازاقپارات ءتىلشىسى.

مادەنيەت جانە سپورت مينيسترلىگى دەنە شىنىقتىرۋ جانە سپورت كوميتەتىنىڭ قازاقپارات اگەنتتىگىنە بەرگەن اقپاراتىنا سايكەس، جەڭىل اتلەتيكادان ەكى سپورتشىدا - ولگا رىپاكوۆا (ءۇش اتتاپ سەكىرۋ) مەن گەورگي شەيكودا (20 شاقىرىمدىق ءجۇرۋ) ليسەنزيا بار. سونىمەن بىرگە، اشىق سۋدا جۇزۋدەن ۆيتالي حۋدياكوۆ، جۇزۋدەن دميتريي بالاندين (2 ليسەنزيا)، ۆەلوشوسسەدەن ەۆگەني گيديچ، ساداقپەن اتۋدان (4 ليسەنزيا) يلفات ابدۋلين، دەنيس گانكين، سانجار مۇسايەۆ جولداماعا يە.

مانەرلەپ جۇزۋدەن الەكساندرا جانە ەكاتەرينا نەميچتەر ەل نامىسىن بىرىگە قورعاسا، سپورتتىق قۇزعا ورمەلەۋدەن ريشات حايبۋللين سايىس الاڭىنا شىعادى. گرەك- ريم كۇرەسىنەن مەيرامبەك ايناعۇلوۆ پەن اسحات دىلمۇحامەدوۆ (60 جانە 77 كەلى سالماقتا) وليمپياداعا بارادى. سول سەكىلدى، ايەلدەر كۇرەسىنەن 50 جانە 76 كەلى سالماقتا ۆالەنتينا يسلاموۆا مەن ەلميرا سىزدىقوۆا توكيوعا دايىندالىپ جاتىر. ەركىن كۇرەستەن نۇريسلام سانايەۆ (57 كەلى)، داۋلەت نيازبەكوۆ (65 كەلى)، دانيار قايسانوۆ (74 كەلى) ، ەرعالي الىشەر (97 كەلى)، سپورتتىق گيمناستيكادان ميلاد كاريمي، ستەندت اتۋدان سارسەنگۇل رىسبەكوۆا، مىلتىقپەن اتۋدان يۋريي يۋركوۆ، قازىرگى بەسسايىستان ەلەنا پوتاپەنكو مەن پاۆەل يلياشەنكو وليمپيادا ليسەنزياسىن يەلەنىپ وتىر.

ايتا كەتسەك، وسى جىلدىڭ سوڭىنا دەيىن ۇلتتىق قۇراما سپورتشىلارى 28 ليسەنزيالىق الەم چەمپيوناتى، 19 ازيا بىرىنشىلىگى مەن 12 الەمدىك ىرىكتەۋ تۋرنيرىنە قاتىسادى. ال 2020 -جىلى 3 الەم چەمپيوناتى، 19 ازيا جانە 18 الەمدىك تۋرنيرلەردە ونەر كورسەتەدى. جوسپارلانعان جارىستاردىڭ قورىتىندىسى بويىنشا، 2016 -جىلعى وليمپيادا ويىندارىنان كەم بولمايتىن ليسەنزيا الۋ جوسپارلانىپ (سپورتتىڭ 32 تۇرىنەن 105 ليسەنزيا) وتىر.

بۇدان بۇرىن حابارلاعانىمىزداي، 2020 -جىلى توكيودا وتەتىن جازعى وليمپيادا ويىندارىنا ۇلتتىق قۇراما ەنشىسىندە ازىرگە سپورتتىڭ 14 تۇرىنەن 25 ليسەنزيا بار. مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپييەۆ بۇعان دەيىن توكيو وليمپياداسىندا مەدال كۇتەتىن سپورتشىلاردى اتاعان بولاتىن.

اۆتور: ايان بەكەن ۇلى


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات