+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

سۋ - تاۋار ەمەس، ومىرلىك رەسۋرس ەكەنىن تۇسىنەتىن ۋاقىت كەلدى - ەرلىك قاراجان

15 قاراشا 15:29
:ءبولىسۋ
سۋ - تاۋار ەمەس، ومىرلىك رەسۋرس ەكەنىن تۇسىنەتىن ۋاقىت كەلدى - ەرلىك قاراجان

الماتى. قازاقپارات - الماتىدا ب ۇ ۇ ۇيىندە تۇراقتى دامۋ ماقساتتارىن قارجىلاندىرۋ ماسەلەلەرى بويىنشا ءبىرىنشى ايماقتىق سامميت ءوز جۇمىسىن باستادى، دەپ حابارلايدى قازاقپارات ءتىلشىسى.

سامميتتىڭ كۇنتىزبەسىندە سۋ رەسۋرستارىن راتسيونالدى قولدانۋدىڭ، ارزان ەلەكتر ەنەرگياسىنىڭ قولجەتىمدىلىگى، كليماتتىڭ وزگەرۋىنە قارسى كۇرەس شارالارىن قارجىلاندىرۋ ماسەلەسى قارالدى.

جوبانىڭ ۇيلەستىرۋشىسى، ق ر ۇلتتىق ەكونوميكا ءمينيسترىنىڭ شتاتتان تىس كەڭەسشىسى ەرلىك قاراجان سۋ رەسۋرستارىنىڭ تاپشىلىعى كەزەك كۇتتىرمەيتىن ماسەلە ەكەندىگىن ايتتى.

«بۇگىن 2030 -جىلى بولۋى ىقتيمال پروبلەما تۋرالى ايتىپ جاتىرمىز. وعان نەبارى 10 اق جىل قالدى. بۇل سۇراق وتە وزەكتى ءارى كۇردەلى. كليمات قاتتى وزگەرىپ كەلە جاتىر. بۇنىڭ سالقىنى قازاقستانعا دا تيەرى ءسوزسىز. قازاقستاندا تابيعي اپاتتاردىڭ سانى ارتا تۇسەدى. 2020 -جىلعا تامان وزەن سۋلارى ارناسىنان تاسىعانمەن ودان كەيىن قۇرعاقشىلىق باستالادى. ويتكەنى، مۇزدىقتار ەرىپ كەتەدى. اۋىل شارۋاشىلىعىنا ۇلكەن قاۋىپ تونەدى. وسى سسەنارييدى وزگەرتۋ ءۇشىن بۇگىن ورتا ازيا ەلدەرىنىڭ وكىلدەرى باس قوسىپ وتىر. سۋ رەسۋرستارىن قازىرگى كولەمدە قولدانا بەرسەك، مۇنىڭ ارتى تاپشىلىققا اكەلەدى»، - دەدى ەرلىك قاراجان.

ونىڭ ايتۋىنشا، ب ۇ ۇ باستاماسىمەن قۇرىلعان تۇراقتى دامۋ ماقساتتارىندا وسى باعىتتا بىرنەشە مىندەت مەجەلەنگەن.

قۇجاتتا كورسەتىلگەن 12 ماقسات، 169 مىندەت، 300 ۇساق ينديكاتوردى كەز- كەلگەن مەملەكەت جاۋاپكەرشىلىكپەن ورىنداۋى ءتيىس.

«قازاقستان وزدىگىنەن ەشنارسە شەشە المايدى. تەك ورتا ازيا ەلدەرىمەن بىرىككەن كەزدە عانا ورتاق پروبلەمانىڭ شەشىمىن تابامىز. ەڭ الدىمەن سۋ رەسۋرستارىنىڭ ورتاق ينستيتۋتسيونالدى بازاسى قۇرىلۋى ءتيىس. ويتكەنى، كەڭەس زامانىنداعى زەرتتەۋ جۇمىستارى ءوزىنىڭ وزەكتىلىگىن جويدى. سۋ تاۋار ەمەس، ۇنەمدەمەگەن جاعدايدا تاۋسىلاتىن ورتاق رەسۋرس ەكەنىن تۇسىنەتىن كەز كەلدى. ءار مەملەكەت وسىنى ءتۇسىنۋى كەرەك»، - دەدى ەرلىك قاراجان.

حالىقارالىق ساراپشىلار مەملەكەت، بيزنەس، الەمدىك ينستيتۋتتار اراسىنداعى ءوزارا ىنتىماقتاستىق اياسىندا تۇراقتى دامۋ ماقساتتارىن قارجىلاندىرۋ تۋرالى تاجىريبەلەرىمەن ءبولىسىپ جاتىر.

سامميت جۇمىسىندا ورتا ازيا وكىلدەرى، ەكولوگيا، تۋريزم، قۇرىلىس سالاسىنداعى ايماقتىق ساراپشىلار قاتىسىپ جاتىر.

سونىمەن قاتار، قازاقستاندىق ارىپتەستەرىمەن پىكىر الماسۋعا نوبەل سىيلىعىنىڭ لاۋرەاتى، ەلشى راە كۆون چۋنگ، قازاقستانداعى ب ۇ ۇ تۇراقتى ۇيلەستىرۋشىسى نوريماس شيمومۋرا، قىرعىزستاننىڭ ەكس پرەزيدەنتى روزا وتۋنبايەۆا، بۇكىلالەمدىك بانك وكىلدەرى كەلدى.

اۆتور: گۇلميرا عوسمانالي


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات