بەردىبەك ساپاربايەۆ ەل جاستارىنا ۇندەۋ تاستادى

None
None
الماتى. قازاقپارات - الماتىدا «مەن جاستارعا سەنەمىن!» اتتى رەسپۋبليكالىق جاستار فورۋمىندا بەردىبەك ساپاربايەۆ ەل جاستارىنا ۇندەۋ جاسادى، دەپ حابارلايدى قازاقپارات ءتىلشىسى.

«ءبىز ۇكىمەت مۇشەلەرى سىزدەرمەن كەزدەسكەنىمىزگە قۋانىشتىمىز. سىزدەر جاسسىزدار، سىزدەردىڭ بويلارىڭىزدا ۇلكەن كۇش- قۋات بار، جىگەر، قايرات، ءبىلىم بار. سونىڭ بارلىعىن ءتيىمدى پايدالانۋ كەرەك. مەملەكەتىمىزدىڭ دامۋىنا ۇلەس قوسىڭىزدار. تۇڭعىش پرەزيدەنت كۇنىنە ارنالعان وسى شاراعا قىزىعۋشىلىق تانىتىپ، اتسالىسىپ جاتقاندارىڭىز ءۇشىن بارلىعىڭىزعا ەرەكشە العىس ايتقىم كەلدى. مەملەكەت ءار ۋاقىتتا سىزدەردى قولداعان، ءارى قاراي دا قولدايدى. سىزدەرگە اقجول تىلەيمىز!»، - دەدى بەردىبەك ساپاربايەۆ.

ۆيتسە-پرەمەردىڭ ايتۋىنشا، مەملەكەت جاستارعا ءوز تالانتتارىن اشۋعا جاعداي جاساۋ كەرەك.

«قازاقستاندىق جاستار حالىقارالىق ستاندارتتارعا ساي ءبىلىم الۋ ءۇشىن «بولاشاق» باعدارلاماسى، ەلىمىزدىڭ بارلىق وڭىرىندەگى نازاربايەۆ زياتكەرلىك مەكتەبى ارنايى قۇرىلدى. ق ر تۇڭعىش پرەزيدەنتى نۇرسۇلتان ءابىش ۇلىنىڭ تاپسىرماسىنا سايكەس، ءبىز جول كارتاسىن جاسادىق، وعان ەلىمىزدىڭ بيۋدجەتىنەن شامامەن 300 ميلليارد تەڭگە قاراستىرىلعان. بۇل از قارجى ەمەس، جالپى ىشكى ءونىمنىڭ %0,5 قۇرايدى. ۇكىمەت سىزدەرگە بارلىق جاعدايدى جاساۋعا مىندەتتى. اتاپ ايتار بولساق، بيزنەسپەن اينالىسىپ، ءوز كاسىبىڭىزدى اشۋعا كومەكتەسەمىز. ول ءۇشىن «جاس كاسىپكەر»، «جاس مامان»، «باستاۋ بيزنەس» باعدارلامالارى جۇزەگە اسىرىلۋدا»، - دەپ تولىقتىردى ساپاربايەۆ.

سونداي-اق، ول پرەزيدەنت قاسىم-جومارت توقايەۆتىڭ 2020 -جىلدى ەرىكتىلىك جىلى دەپ جاريالاعانىن ەسكە سالدى.

«قازىر ءبىزدىڭ مينيسترلىك ەرىكتىلەر جىلىنا قاتىستى ءىس- شارالار جوسپارىن ازىرلەپ جاتىر. مەن سىزدەردىڭ ەرىكتىلەر قوزعالىسىنا قاتىساتىندارىڭىزدى جاقسى بىلەمىن. نەگىزى ءار ادام ءوز ەلىنىڭ دامۋىنا قانداي ۇلەس قوساتىنى جايلى ويلانۋى كەرەك. تەك سوندا عانا جاقسى ناتيجيەگە قول جەتكىزەمىز»، - دەپ تۇيىندەدى ۆيتسە- پرەمەر.

اۆتور: الما مۇقانوۆا

سوڭعى جاڭالىقتار