بايلانىس سالاسىنداعى بەلدى شەنەۋنىك ايەلىنىڭ اتىنداعى ج ش س-عا قامقورلىق جاساپ كەلگەن
اتىراۋ وبلىستىق سىبايلاس جەمقورلىققا قارسى قىزمەتى «ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەلەكوممۋنيكاتسيالار كوميتەتىنىڭ اقتوبە، باتىس قازاقستان، ماڭعىستاۋ، اتىراۋ وبلىستارى بويىنشا ايماقارالىق بايلانىس ينسپەكتسياسى» باسشىسىنىڭ مىندەتىن اتقارۋشىعا قاتىستى كاسىپكەرلىك قىزمەتكە زاڭسىز قاتىسقان دەگەن كۇدىكپەن سوتقا دەيىنگى تەرگەۋ باستالدى.
مالىمەتكە ساي، ول مەملەكەتتىك فۋنكتسيالاردى ورىنداۋعا ۋاكىلەتتى تۇلعا بولا وتىرىپ، بەلگىلەنگەن تىيىمعا قاراماستان، جۇبايىنىڭ اتىنا تىركەلگەن بايلانىس سالاسىندا كاسىپكەرلىك قىزمەتتى جۇزەگە اسىراتىن «عاسىر قازسۆياز» ج ش س-ىن باسقارۋعا قاتىسىپ، وسى ج ش س- عا ارتىقشىلىقتار مەن قامقورلىق كورسەتكەن.
كۇدىكتى ءوزىنىڭ كىناسىن مويىنداۋىنا جانە كۇدىكتى مەن ونىڭ قورعاۋشىسى پروتسەسسۋالدىق كەلىسىم جاساسۋ تۋرالى ءوتىنىش بەرگەنىنە بايلانىستى كۇدىكتىگە قاتىستى پروتسەسسۋالدىق ۇستاۋ شاراسى قولدانىلمادى.
كۇدىكتىگە قاتىستى تۇپكىلىكتى شەشىمدى ونىڭ كىناسىنىڭ دەڭگەيىن انىقتاۋ ارقىلى سوت قابىلدايتىن بولادى.