+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

سەرىك قيرابايەۆ: ەل گازەتىن اۋدارما-گازەت جاساماي الىپ قالعان جۇمابەك تاشەنوۆ ەدى

15 قاراشا 14:31
:ءبولىسۋ
سەرىك قيرابايەۆ: ەل گازەتىن اۋدارما-گازەت جاساماي الىپ قالعان جۇمابەك تاشەنوۆ ەدى

نۇر-سۇلتان. قازاقپارات - بۇرىنعى «سوتسياليستىك قازاقستان» - بۇگىنگى «ەگەمەن قازاقستان» گازەتىن وتكەن عاسىردا اۋدارما- گازەت جاساماي الىپ قالعان جۇمابەك تاشەنوۆ ەدى.

«ەگەمەن قازاقستان» گازەتىنىڭ 100 جىلدىعىنا وراي ەلوردادا وتكەن حالىقارالىق عىلىمي- پراكتيكالىق كونفەرەنسيادا عالىم، پروفەسسور، قازاقستاننىڭ مەملەكەتتىك سىيلىعىنىڭ يەگەرى سەرىك قيرابايەۆ وسىنداي ەستەلىگىمەن ءبولىستى، دەپ حابارلايدى قازاقپارات ءتىلشىسى.

«ءبىز گازەتتىڭ ەڭ ءبىر قيىن كەزەڭدەرىندە - ايتىس پەن تارتىستىڭ، ۇرىس پەن ديكتاتۋرانىڭ كۇشتى كەزىندە قىزمەتكە باردىق. مەن كومسومولدىڭ ءبىر جۋرنالىنىڭ رەداكتورى ەدىم. قاراقۇلوۆ دەگەن ورتالىق پارتيا كوميتەتىنىڭ ءبولىم باسشىسى شاقىرىپ الدى دا، «ءسىز «سوتسياليستىك قازاقستانعا» (قازىرگى «ەگەمەن قازاقستان») قىزمەتكە باراسىز. رەدكوللەگيانىڭ مۇشەسى بولىپ، ادەبيەت جانە ونەر ءبولىمىنىڭ باستىعى بولاسىز» دەدى. سول بارعان جەردە ءبىرشاما ايتىس- تارتىس بولىپ كەتتى. ديكتاتۋرانىڭ مىقتى كەزى. ول كەزدە ورتالىق پارتيا كوميتەتى كىشكەنە اسىعىستاۋ جاسادى - گازەتتى اۋدارما جاساۋ كەرەك دەگەن اڭگىمە شىقتى. سول باستامانى «گازەت ەلدىكى» دەپ بوگەپ تاستاعان جۇمابەك تاشەنوۆ ەدى. سول تاشەنوۆتەردىڭ ارقاسىندا گازەتتى اۋدارما جاساماي، الىپ قالدىق. سونداي ءبىر قيىن كەزەڭدى باسىمىزدان وتكەردىك»، - دەدى سەرىك قيرابايەۆ.

پروفەسسور ءوز سوزىندە ەل گازەتىنەن كوپ جاقسىلىق كورگەنىن ەسىنە الدى.

«ەگەمەن قازاقستان»- قازىر تازا ۇلتتىق گازەت! گازەتتىڭ ۇلكەن تويىمەن بارلىقتارىڭىزدى قۇتتىقتايمىن»، - دەدى سەرىك قيرابايەۆ.

«ەگەمەن قازاقستان» گازەتىنىڭ 100 جىلدىعىنا وراي ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «جاھاندىق مەدياسالاداعى باسىلىمنىڭ ءرولى مەن دامۋ تەندەنسياسى» اتتى حالىقارالىق عىلىمي- پراكتيكالىق كونفەرەنتسيا ءوتىپ جاتىر.

ايتا كەتسەك، ەلوردادا كورنەكتى مەملەكەتتىك جانە قوعام قايراتكەرى جۇمابەك تاشەنوۆكە ەسكەرتكىش ورناتىلاتىنى بۇعان دەيىن حابارلانعان بولاتىن.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات