قولدان جاسالعان اقشانى قالاي اجىراتۋعا بولادى

None
None
الماتى. قازاقپارات - بۇگىن ق ر ۇلتتىق ۆاليۋتا كۇنى قارساڭىندا ق ر ۇلتتىق بانكىندە ءتۇپنۇسقا بانكنوتانى قالاي جالعان اقشادان اجىراتۋعا بولاتىنى ءتۇسىندىردى، دەپ حابارلايدى قازاقپارات ءتىلشىسى.

بانك وكىلدەرىنىڭ ايتۋىنشا، ەل ىشىندە كوبىنەسە 2011 -جىلى باسىلىپ شىققان نومينالى 5000 تەڭگە بولاتىن بانكنوتانىڭ جالعان نۇسقالارى ءجيى كەزدەسەدى.

جالعان تەڭگە كومپيۋتەرلىك تەحنولوگيانىڭ كومەگىمەن جاسالادى.

اقشانى اجىراتۋ ءۇشىن بىرنەشە ەرەجەنى ءبىلۋ كەرەك.

1. ەڭ الدىمەن بانكنوتانى ۇستاعاندا، قاعازدىڭ شىقىرلاقتىعى باستى بەلگى بولادى. اقشادا ارنايى ءمور باسىلادى. «قازاق ەلى» مونۋمەنتىنىڭ بەينەسى تۇسىندا رەلەف بولادى. بارلىق بانكنوتادا بۇل رەلەفتەر كوزى ناشار كورەتىن زاعيپ جاندار ءۇشىن سالىنعان.

2. بانكنوتانىڭ ءتۇسى انىق، ايقىن ءارى قانىق بولۋى ءتيىس. جارىققا قويىپ قاراعاندا سۋ بەلگىسىن، نومينالدىڭ تسيفرلىق بەينەسىن كورۋگە بولادى. سونىمەن قاتار، بانكنوتانىڭ شەتىندەگى ماگنيتتىك جولاق بولۋى ءتيىس. بۇل جولاق جارىققا قاراعاندا تۇتاس بوپ كورىنۋى كەرەك.

3. نومينالى 1000، 2000، 5000، 10000 جانە 20000 تەڭگە بولاتىن بانكنوتالاردى تەرىس اۋدارعاندا ءتۇسى قۇبىلىپ تۇراتىن سۋرەت بولادى. بانكنوتانى اۋدارىپ توڭكەرگەندە بۇل ءتۇس جاسىلدان التىن تۇسكە دەيىن قۇبىلادى. وسى بەلگىلەردى 5 سەكۋند ىشىندە انىقتاپ كورۋگە بولادى. بۇل ازاماتتاردى الاياقتاردىڭ قارماعىنا ءتۇسىپ قالۋدان قورعايتىن قاراپايىم ءتاسىل.

اۆتور: گۇلميرا عوسمانالي

سوڭعى جاڭالىقتار