ق ر ءماجىلىس ءتوراعاسى حانوي ۋنيۆەرسيتەتىندە اباي ورتالىعىنا باردى
سونىمەن قاتار، ۇستازدار جانە ستۋدەنتتەر قاۋىمىمەن كەزدەستى، دەپ حابارلايدى ق ر پارلامەنتى ءماجىلىسىنىڭ باسپا ءسوز قىزمەتى.
اباي اتىنداعى عىلىمي- مادەني ورتالىق 2013 -جىلى اشىلعان. بۇگىندە اتالعان ورتالىقتا ۇلى ويشىلدىڭ 175 جىلدىق مەرەيتويىنا قىزۋ دايىندىق ءجۇرىپ جاتىر.
نۇرلان نىعماتۋلين ەكى ەلدىڭ مادەني-گۋمانيتارلىق ىنتىماقتاستىعىنا ايرىقشا نازار اۋدارا كەلىپ، دانىشپان ابايدىڭ مەرەيتويىنا دايىندىق شارالارىنا توقتالدى.
سونداي-اق، ورتالىققا ارنايى اكەلگەن كىتاپتاردى سىيعا تارتتى. اتالعان ۋنيۆەرسيتەت بيىل قۇرىلعانىنا 60 جىل تولاتىن كونە وقۋ ورىندارىنىڭ ءبىرى.
كەزدەسۋگە جينالعان ۇستازدار مەن ستۋدەنتتەر الدىندا نۇرلان نىعماتۋلين تاۋەلسىز قازاقستاننىڭ قالىپتاسۋ، دامۋ كەزەڭدەرى بويىنشا جەتىستىكتەرگە توقتالا كەلىپ، ۆەتنام ەلىنىڭ ەكونوميكالىق تابىستارىنا دا كوڭىل ءبولدى.
اسىرەسە، كەزدەسۋ بارىسىندا قوس مەملەكەت اراسىنداعى جان-جاقتى ءوزارا ءىس-قيمىلدى تەرەڭدەتۋ اڭگىمە وزەگىنە اينالدى. ستۋدەنتتەرمەن جۇزدەسۋ كەزىندە ساپالى ءبىلىم تاقىرىبىنا ءسوز ارناعان ءماجىلىس ءتوراعاسى قازىرگى «ءبىلىم ەكونوميكاسى» داۋىرىندە ونىڭ ماڭىزدىلىعى ارتا تۇسكەنىن اتاپ ايتتى.
نۇرلان نىعماتۋلين قازاقستاندىق- ۆەتنامدىق ىقپالداستىقتىڭ الەۋەتى زور ەكەنىن العا تارتا كەلىپ، كولىك- لوگيستيكا، جەڭىل جانە تاماق ونەركاسىبى، اۋىلشارۋاشىلىعى، سونداي-اق، تۋريزم سالالارىنىنىڭ باسىمدىقتارىن اتاپ ءوتتى.
وسى رەتتە پالاتا سپيكەرى ءبىلىم باعىتىندا، كاسىپكەرلىك قۇرىلىمدارى اراسىندا تىعىز بايلانىس ورناتۋدىڭ ماڭىزدىلىعىنا كوڭىل ءبولدى. ءوز كەزەگىندە ستۋدەنتتەر ەۋرازيالىق ەكونوميكالىق وداق پەن ۆەتنام اراسىنداعى ەركىن ساۋدا ايماعى تۋرالى كەلىسىمنىڭ قازاقستان مەن ۆەتنام ءۇشىن ءتيىمدى باعىتتارى، ەلدەرىمىز پارلامەنتتەرىنىڭ ەرەكشەلىكتەرى تۋرالى قىزىعۋشىلىق تانىتتى.
سونىمەن قاتار، بولاشاقتا سۇرانىسقا يە ماماندىقتار، دەپۋتاتتار جۇمىسىندا الەۋمەتتىك جەلىلەردىڭ ماڭىزدىلىعى جونىندە ءماجىلىس ءتوراعاسىنىڭ پىكىرىنە نازار اۋداردى.