+7 (701) 759 90 19
-10 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

مينيستر: سەكسەۋىل - ءبىزدىڭ ۇلتتىق برەندىمىز

15 قاراشا 10:46
:ءبولىسۋ
مينيستر: سەكسەۋىل - ءبىزدىڭ ۇلتتىق برەندىمىز

نۇر-سۇلتان. قازاقپارات - سەكسەۋىل - ءبىزدىڭ ۇلتتىق مىنەزىمىزدى تانىتاتىن اعاش.

بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«اقپارات كوزدەرىنەن سەكسەۋىلدى ساقتاۋ تۋرالى قىزىقتى ماتەريال وقىدىم. وكىنىشكە قاراي، ءشول دالانىڭ وسىناۋ قازىناسىنا براكونەرلىك شابۋ سالدارىنان جىلىنا 700 ميلليون دوللار شىعىن كەلتىرىلەدى. مۇنىڭ ارتى تۇتاس اۋىلداردىڭ ءشول دالاعا اينالۋىنا اكەپ سوعادى. ادامدار اقىرى جايىلىم جەرسىز دە قالادى. ياعني، ەكولوگياعا دا، اۋىل شارۋاشىلىعىنا دا زيان كەلەدى. وسىنىڭ سالدارىنان ادامداردىڭ دەنساۋلىعى دا ناشارلايدى. مەملەكەتتىك دەڭگەيدە سەكسەۋىلدى شابۋعا تىيىم سالىنعان. ايىپپۇل بار. ءبىراق، تاجىريبە كورسەتىپ وتىرعانداي، وكىنىشكە قاراي بۇل شەكتەۋلەردىڭ ءالى دە جەتكىلىكسىز ەكەنىن كورسەتۋدە»، - دەدى د. ابايەۆ «اشىق ديالوگ» باعدارلاماسىندا.

ق ر اقپارات جانە قوعامدىق دامۋ ءمينيسترى وسىعان بايلانىستى مەملەكەت ب ۇ ۇ-نىڭ قولداۋىمەن سەكسەۋىل ساقتاپ قالۋ باعىتىندا بىرنەشە جوبانى قولعا العانىن ەسكە سالدى.

«ارال تەڭىزىنىڭ تۇبىنە سەكسەۋىل ەگىلىپ جاتىر. كوشەت باقتارى قۇرىلۋدا. سونداي-اق، سەكسەۋىلدى وسىمدىكتەردەن قورعاۋ جۇمىستارى دا بار. ۇمىتپاسام، 2019 -جىلى 10 مىڭ گەكتار اۋماققا سەكسەۋىل تالى ەگىلگەن. 2020 -جىلى بۇل جۇمىس جالعاسىن تابادى. بۇل قادام ۇلتتىق قۇندىلىعىمىزدى ساقتاپ قالۋدا دۇرىس ءارى قاجەتتى باستاما. سەكسەۋىلدى - ءبىزدىڭ ۇلتتىق برەند دەۋگە بولادى. ماسەلەن، ءبىزدىڭ ەل ونىڭ ءوسۋ اۋقىمى بويىنشا الەمدە ءبىرىنشى ورىندامىز. ەكىنشىدەن، سەكسەۋىل ءبىزدىڭ ۇلتتىق مىنەزىمىزدى تانىتاتىن اعاش. ول ءشولدى وزگەرتۋگە قاۋقارلى. ول قاتتى ءارى مايىسپايدى. ونى بالتانىڭ كومەگىمەن سىندىرۋ وڭاي ەمەس. سوندىقتان، قازاق ەجەلدەن بۇل قاتتى اعاشتى قاستەرلەيدى»، - دەدى مينيستر.

اۆتور: ايان بەكەن ۇلى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات