+7 (701) 759 90 19
-7 °С : نۇر-سۇلتان
2 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

داۋرەن ابايەۆ: الەۋمەتتىك جەلىدە اگرەسسيانىڭ كوپ ەكەنىن كورىپ وتىرامىز

15 قاراشا 10:12
:ءبولىسۋ
داۋرەن ابايەۆ: الەۋمەتتىك جەلىدە اگرەسسيانىڭ كوپ ەكەنىن كورىپ وتىرامىز

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ ەل دامۋىنا ەلەۋلى ۇلەس قوسقان 50 كورنەكتى تۇلعادان تۇراتىن بىرەگەي مالىمەتتەر بازاسى نەلىكتەن تۇزىلگەنىن ءتۇسىندىردى، دەپ حابارلايدى قازاقپارات ءتىلشىسى.

«ءبىزدىڭ مينيسترلىك ۇلتارالىق كەلىسىم ىسىنە جاۋاپتى. بۇل - وتە ماڭىزدى باعىت. ادامنىڭ تولەرانتتىعىن اعارتۋ مەن اقپاراتتانۋدان ارتىق ەشتەڭە بەكەمدەي المايدى. ادامعا ۇلتىنا نەمەسە ناسىلىنە قاراي باعا بەرەتىندەر - شەكتەۋلى ادامدار دەپ ەسەپتەيمىن. نەلىكتەن؟ سەبەبى، ولار ەتنيكالىق ارتۇرلىلىكتىڭ بىزگە سىيلايتىن سىيىن تۇسىنە بەرمەيدى. وكىنىشكە قاراي، مۇنداي ادامداردىڭ سانى از دا ەمەس ەكەن. ولاردىڭ از ەمەس ەكەنىن ينتەرنەت، الەۋمەتتىك جەلىلەر كورسەتىپ وتىر. الەۋمەتتىك جەلىدەگى بەلسەندىلەردىڭ پىكىرلەرىندە، جازبالارىندا اگرەسسيانىڭ(اگرەسسيا - ادامدارعا رۋحاني، دەنە زاقىمىن اكەلەتىن نەمەسە پسيحولوگيالىق جايسىزدىق تۋدىراتىن، بىرگە تۇرۋ نورمالارىنا قايشى كەلەتىن بۇلدىرگىش مىنەز- قۇلىق) قانشالىقتى كوپ ەكەنىن كورىپ وتىرامىز. ولاردىڭ كوبى پىكىرىن جاسىرىنىپ قالدىرىپ وتىرادى. بۇل ماسەلە تەك ءبىزدىڭ ەلگە قاتىستى ەمەس»، - دەدى دەدى داۋرەن ابايەۆ «اشىق ديالوگ» باعدارلاماسىندا.

ءمينيستردىڭ ايتۋىنا قاراعاندا، ەلورداداعى «قازاقستان ەتنوستارى: ەلىمىزدىڭ دامۋىنا قوسقان ۇلەستەرى. ءبىز بىرگەمىز» اتتى رەسپۋبليكالىق عىلىمي- تاجىريبەلىك كونفەرەنسياسىندا مينيسترلىك ءتۇرلى ۇلتتاردىڭ ءبىزدىڭ ەلدىڭ دامۋىنا قانشالىقتى ۇلەس قوسقانىن كورسەتۋگە كۇش سالعان.

«50 ادامنان تۇراتىن بازا اعارتۋ، عىلىمي جانە اقپاراتتىق تۇرعىدا پايدالانىلادى. ونىڭ ىشىنە بارىمىزگە تانىمال ازاماتتار كىردى. ءبىزدىڭ ەلدىڭ دامۋىنا ولاردىڭ قوسقان ۇلەسىن ەسكەرۋىمىز كەرەك. ەۆگەني برۋسيلوۆسكي، گەرولد بەلگەر، دەنيس تەن، لاتيف حاميدي سەكىلدى كوپتەگەن ادامدى مىسالعا كەلتىرۋگە بولادى»، - دەدى ول.

ەسكە سالا كەتسەك، ەلوردادا جاقىندا «قازاقستان ەتنوستارى: ەلىمىزدىڭ دامۋىنا قوسقان ۇلەستەرى. ءبىز بىرگەمىز» اتتى رەسپۋبليكالىق عىلىمي- تاجىريبەلىك كونفەرەنسيا وتكەن بولاتىن. ءىس-شارا اياسىندا «قازاقستان ەتنوستارىنىڭ قازاقستان حالقىنىڭ جالپى تاريحي- مادەني مۇراسىنا قوسقان ۇلەسىن زەردەلەۋ» اتتى زەرتتەۋ جۇمىسىنىڭ ناتيجەلەرى ەل دامۋىنا ەلەۋلى ۇلەس قوسقان 50 كورنەكتى تۇلعادان تۇراتىن بىرەگەي مالىمەتتەر بازاسى تۇرىندە ۇسىنىلدى. ولاردىڭ اراسىندا كومپوزيتور، پروفەسسور برۋسيلوۆسكي ەۆگەني گريگوريەۆيچ، اڭىزعا اينالعان فولكلوريست، ەتنوگراف، كومپوزيتور زاتايەۆيچ الەكساندر ۆيكتوروۆيچ تە بار.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات