قازاقستاندا جاڭا ۇلگىدەگى جۇرگىزۋشى كۋالىگى ەنگىزىلەدى

نۇر-سۇلتان. قازاقپارات – قازاقستاندا جۇرگىزۋشى كۋالىگى مەن كولىك قۇرالىن تىركەۋ تۋرالى كۋالىكتەردىڭ جاڭا ۇلگىلەرى ەنگىزىلەدى.

مۇنداي شەشىم ىشكى ىستەر مينيسترلىگىندە قابىلداندى دەپ حابارلايدى KAZ. NUR. KZ ءى ءى م باسپا ءسوز قىزمەتىنە سىلتەمە جاساپ.

ۆەدومستۆو حابارلاماسىندا ءى ءى م باسشىسىنىڭ ءتيىستى بۇيرىعىنا اعىمداعى جىلدىڭ ەكىنشى قاراشاسىندا قول قويىلىپ، قازاقستان رەسپۋبليكاسى ادىلەت مينيسترلىگىندە ءتورتىنشى قاراشادا تىركەلگەنى ايتىلعان.

وزگەرتۋلەردىڭ ءبىرى ەلەكتروندىق چيپتى كەرى جاققا اۋىستىرۋ بولعان. سونىمەن قاتار، ۆەدومستۆودا چيپ جادىنىڭ كولەمى ۇلعايعانىن اتاپ ءوتتى.

وسى جاڭارتۋلاردى ەنگىزگەننەن كەيىن قۇجاتتاردى بىرىزدەندىرۋ جاقسارادى. بۇدان باسقا، جوعارىدا كورسەتىلگەن وزگەرىستەر قۇجاتتاردى دايىنداۋدىڭ ءبىرىڭعاي وندىرىستىك ستاندارتىنا كوشۋ پروتسەسىنە دا قولايلى اسەر ەتەدى.

سونداي-اق، مينيسترلىكتە جالعان قۇجاتتاردى دايىنداۋدى بولدىرماۋعا مۇمكىندىك بەرەتىن تەتىك ازىرلەندى. ماماندار قوسىمشا قورعانىس - شتريح-كود جاساپ شىعاردى.

بۇدان باسقا، وزگەرىستەر قاتارىندا كولىك قۇرالىن تىركەۋ تۋرالى كۋالىكتىڭ ءتۇسىن اۋىستىرۋ دا بار.

ۆەدومستۆودا اتاپ وتكەندەي، ەسكى ۇلگىدەگى قۇجاتتار اينالىمعا جاڭالارى ەنگىزىلگەننەن كەيىن جارامدى بولىپ قالادى، سوندىقتان ولاردى تىركەۋ كۇنى اياقتالعانعا دەيىن وزگەرتۋدىڭ قاجەتى جوق.

سونداي-اق، مينيسترلىكتە جۇرگىزۋشى كۋالىگىن بەرۋ كەزىندە تولەۋ قاجەت مەملەكەتتىك باج سالىعىن ۇلعايتۋدى جوسپارلاپ وتىرعان جوق. ول بۇرىنعىداي 1,25 ا ە ك بولادى.