+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

دەمالىس كۇندەرى ەلوردادا قانداي شارالار وتەدى

15 قاراشا 09:46
:ءبولىسۋ
دەمالىس كۇندەرى ەلوردادا قانداي شارالار وتەدى

نۇر-سۇلتان. قازاقپارات - ەلوردادا الداعى دەمالىس كۇندەرى قالا تۇرعىندارى مەن قوناقتارى ءۇشىن ءبىرقاتار سپورتتىق، مادەني شارالار ۇيىمداستىرىلادى، دەپ حابارلايدى قازاقپارات.

نۇر-سۇلتان اكىمدىگى ۇسىنعان اقپاراتقا سايكەس، وسى اپتاداعى دەمالىس اسىرەسە، حوككەي جانكۇيەرلەرى ءۇشىن قىزىقتى بولماق. سەبەبى شايبالى حوككەيدەن بىردەن ءۇش ماتچ وتەدى. اتاپ ايتقاندا، 15 -قاراشا كۇنى ساعات 19:00-دە شايبالى حوككەيدەن «سنەجنىە بارسى» - «رەاكتور» كوماندالارى 2019-2020 ج ح ل چەمپيوناتى اياسىندا كەزدەسەدى. ماتچ «بارىس ارەنادا» وتەدى. 16 -قاراشا كۇنى «قازاقستان» سپورت سارايىندا «نوماد» كومانداسى ج ح ل چەمپيوناتى اياسىندا «زاۋرالە» ۇجىمىمەن سىنعا تۇسەدى. 17-18 -قاراشادا «سنەجنىە بارسى» كلۋبى «سپۋتنيك» كومانداسىمەن وينايدى. ماتچ ساعات 17:00-دە، «بارىس ارەنا» مۇز ايدىنىندا وتەدى. بيلەت باعاسى 500-4500 تەڭگە ارالىعىندا.

بۇدان بولەك، 15-قاراشا كۇنى «بەيبىتشىلىك جانە كەلىسىم سارايىندا» «World Skills 2019» رەسپۋبليكالىق چەمپيوناتىنىڭ جابىلۋ سالتاناتى وتەدى. كەش ساعات 18:00 باستالادى. رەسپۋبليكالىق V كاسىبي شەبەرلىك چەمپيوناتى - «WorldSkills Kazakhstan 2019» جاس كادرلاردى ەكونوميكانىڭ وندىرىستىك سەكتورىنا تارتۋعا جانە تەحنيكالىق جانە كاسىپتىك ءبىلىم بەرۋدى دامىتۋعا ىقپال ەتپەك.

جاستار اراسىنداعى تاعى ءبىر سپورت شاراسى 16 جانە 17 -قاراشادا وتەدى. «استانا ارەنا» ستاديونىندا جانە «الاۋ» مۇز سارايىندا حالىقارالىق جاستار كۇنىنە ارنالعان جوعارى وقۋ ورىندارى مەن ورتا وقۋ ورنى ستۋدەنتتەرى اراسىندا ۋنيۆەرسيادا وتەدى. ستۋدەنتتەر سپورتتىڭ التى تۇرىنەن سايىسقا تۇسەدى: ۆولەيبول، ارمرەستلينگ، ۇستەل تەننيسى، گىر سپورتى، شاحمات جانە اسىق ويىنى.

16-17 -قاراشا كۇندەرى «قۋىرشاق» تەاترىندا م. ارعىمبايەۆتىڭ «سيقىرلى ورمان تۇرعىندارى» اتتى ەرتەگىسى قويىلادى. بيلەت قۇنى - 1000 تەڭگە.

16 -قاراشا كۇنى ساعات 17:00-دە «استانا بالەت» تەاترىندا «Beautiful Korea. Dynamic Busan» اتتى كورەي ءداستۇرلى ونەر كونتسەرتى وتەدى.

سونداي-اق، ەلوردا تۇرعىندارى 17 -قاراشاعا دەيىن جالعاساتىن «جاستار» سارايىندا ارا بالىنىڭ جانە ءۇندى تاۋارلارىنىڭ كورمەسىن تاماشالاي الادى. كورمەنىڭ جۇمىس ۋاقىتى تاڭعى ساعات 10-نان كەشكى 8-گە دەيىن جالعاسادى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات