مەكتەپتە اتىس بولىپ، ەكى ادام قازا تاپتى
بۇل اقپاراتتى جەرگىلىكتى شەريف كەڭسەسىنىڭ وكىلى باسپا ءسوز جيىنىندا حابارلادى. 16 جانە 14 جاستاعى ەكى جاس ءوسپىرىم قازا تاپقان.
بەيسەنبى كۇنى 16 جاسقا تولۋىن تويلاعان وقۋشى كۇدىككە ءىلىندى. ول ساباققا قارا كيىم كيىپ كەلىپ، پيستولەتتەن وق اتقان. كەيىنىرەك ءوزىن اتقان.
اۋرۋحاناعا جەتكىزىلگەن كۇدىكتىنىڭ جاعدايىن دارىگەرلەر اۋىر دەپ باعالادى. وقۋشىنىڭ نە ءۇشىن شابۋىل جاساعانى بەلگىسىز.
بيىل كولورادو شتاتىندا «كولۋمباين» مەكتەبىندە 20 جىل بۇرىن بولعان قاندى شابۋىل قۇرباندارىن ەسكە الماق.
مەكتەپكە قارۋمەن كەلگەن ەكى وقۋشى اينالاداعى ادامدارعا وق اتىپ، 15 ادام ولگەن، 23 ادام جارالانعان.
ا ق ش- تا قارۋ-جاراق اينالىمىن باقىلاۋدى كۇشەيتۋدى قولدايتىن ەۆەريتاۋن كوممەرتسيالىق ەمەس ۇيىمنىڭ دەرەگىنشە، 14- قاراشادا بولعان وقيعانى ەسەپتەگەندە ءبىر جىل ىشىندە وسىعان ۇقساس 85 شابۋىل بولعان.