+7 (701) 759 90 19
-10 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

مينيستر ەلوردادا جارىقتىڭ ءسونىپ قالۋىن الەمدىك مىسالدارمەن ءتۇسىندىردى

15 قاراشا 09:15
:ءبولىسۋ
مينيستر ەلوردادا جارىقتىڭ ءسونىپ قالۋىن الەمدىك مىسالدارمەن ءتۇسىندىردى

نۇر-سۇلتان. قازاقپارات - ەلوردادا جارىقتىڭ ءسونىپ قالۋىنىڭ سەبەبى انىقتالىپ، ب ا ق-قا جاريالاناتىن بولادى.

بۇل تۋرالى ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«جاعدايعا درامالىق سيپات بەرۋدىڭ قاجەتى جوق. جۇيەلى ءوشۋ جاعدايى ەمەس، جەكە سيپاتتاعى اقاۋ بولدى دەپ ۇمىتتەنەمىن. پرەزيدەنت بۇعان قاتىستى ءتيىستى تاپسىرما بەرىپ، بۇل ماسەلەنى جان- جاقتى تەكسەرەتىن كوميسسيا قۇرىلدى. ءسوزسىز، ونىڭ ءبارى ب ا ق- تا جاريالانادى»، - دەدى داۋرەن ابايەۆ «اشىق ديالوگ» باعدارلاماسىندا.

مينيستر ءوز سوزىندە الەم ەلدەرى بويىنشا بىرنەشە مىسال كەلتىردى.

«وسى جىلدىڭ تامىز ايىندا عانا انگليانىڭ بۇكىل وڭتۇستىك اۋماعى مەن لوندوننىڭ ءبىر بولىگى جارىقسىز قالدى. ونداعى باعدارشامدار مەن مەترولار، ەلەكتروپويىزدار ىستەن شىقتى. بۇل ماسەلە ميلليونعا تارتا ادامنىڭ باسىنان ءوتتى. سونىمەن بىرگە، وسى جازدا نيۋ-يوركتە قالانىڭ 100 مىڭ تۇرعىنى جارىقسىز قالعان بولاتىن. سەبەپ - پودستانتسياداعى جارىلىس پەن ءورت. ءوزىمىز كورىپ وتىرعانداي، ەلەكتر ەنەرگياسىنا وراسان زور جۇكتەمە تۇسەدى. سول سەبەپتى، كەيدە قىسىم كۇشەيىپ كەتىپ، وسىنىڭ سالدارىنان جارىق ءسونىپ قالىپ جاتادى»، - دەدى ول.

ەسكە سالا كەتسەك، 10 -قاراشادا تۇنگى ساعات ەكىدە «لەۆوبەرەجنايا» 110/10 ك ۆ شاعىن ستانسياسىنىڭ 10 ك ۆ كابەل كانالىندا ءورت شىعىپ، كابەل لينياسى زاقىمداندى. سالدارىنان ءبىرقاتار كوشەدەگى ابونەنتتەر ەلەكتر جارىعىنان اجىراتىلا باستادى.

بۇلار - قونايەۆ، سىعاناق، تۇركىستان، الماتى جانە دوستىق كوشەلەرىندەگى بارلىعى 25 نىسان مەن 7 تۇرعىن ءۇي كەشەنى. ولاردىڭ اراسىندا اقوردا، پارلامەنت سەناتى مەن ءماجىلىسى، مينيسترلىكتەر ءۇيى، ۇكىمەت ءۇيى، جوعارعى سوت، ۇلتتىق كىتاپحانا، ۇلتتىق مۇراعات عيماراتتارى، «بايتەرەك» مونۋمەنتى بار. 11 -قاراشا، تاڭەرتەڭگى ساعات 07.00-دە ەنەرگيا جارتىلاي بەرىلە باستادى.

مەملەكەت باسشىسى قاسىم-جومارت توقايەۆ ورىن العان اپاتقا بايلانىستى ۇكىمەتكە ارنايى كوميسسيا قۇرۋدى تاپسىردى.

ال ءى ءى م جارىقتىڭ ءسونىپ قالۋىنا بايلانىستى قىلمىستىق ءىس قوزعالعانىن جاريالادى.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات