ۆەنەتسيادا توتەنشە جاعداي ەنگىزىلدى

نۇر-سۇلتان. قازاقپارات - يتاليا ۇكىمەتى ۆەنەتسياداعى سۋ تاسقىنى سالدارىن جويۋدىڭ ءبىرىنشى كەزەڭىنە 20 ميلليون ەۋرو قاراستىرىپ وتىر.

بۇل سوما مينيسترلەر كەڭەسىنىڭ ەلدە توتەنشە جاعداي ەنگىزۋ جونىندەگى ارنايى دەكرەتىندە كورسەتىلگەن، دەپ حابارلادى بەيسەنبى كۇنى ANSA اگەنتتىگى.

ۆەنەتسيادا سوڭعى جارتى عاسىردا بولماعان سۋدىڭ رەكوردتىق دەڭگەيگە - 190 سانتيمەترگە كوتەرىلۋى جاعدايدى قيىنداتتى.

قالانىڭ 80 پايىزىن سۋ باستى.

بيلىك ورىندارى تابيعي اپاتتان كەلگەن شىعىن ءبىر ميلليارد ەۋروعا جەتۋى مۇمكىن دەپ وتىر.